Ny header

Endeleg har eg teke meg på tak og laga ein ny header til bloggen. Litt alternativ i forhold til tidlegare, så me får sjå kor lenge den varar ;)

God helg!

Vakker morgon ved Vangsvatnet

Kvar morgon køyrer eg langs Vangsvatnet på veg til jobb. Veldig mange av desse morgonane vert eg slegen av kor utruleg vakkert det er når bakkar, skog og fjell speglar seg i det blikkstille vatnet, men desverre er det ikkje ofte eg har kamera med i bilen. Idag hugsa eg på det, og fekk knipsa litt. På det eine busstoppet stod det ein bil frå før, og då eg såg kven det var måtte eg berre le; der, med kamera i handa stod min gode ven og kollega Rønnaug, med akurat same tanken som meg.

No er det fredag igjen, og som Storesyster sa då ho vakna kl 6 idag: Dette er den beste dagen i veka!

Fin fredag!!

Juliet

I mangel av lekre interiørbilder får det bli eit nytt skryteinnlegg herifrå. For sjølv om huset idag er såpass på stell at det let seg avbilde, så føler eg ikkje her er så mykje å vise fram for tida. Oppussinga står "på stedet, hvil", utan å bere preg av dei tusen planane som flagrar rundt i toppen. Bortimot det same gjeld hagen, sjølv om eg igår planta ut løkane av dei små påskeliljene og kanskje-snøklokkene eg kjøpte før påske. Naboen har gjort dette med hell tidlegare, så no tenkte eg å gjere eit forsøk, eg òg.

                                                           

Men no til dagens skryt; Møt Juliet! Denne vesten har eg strikka heilt sjølv, etter eit mønster eg fekk tilsendt av mi fantastisk strikkeflinke kusine i Rotterdam. Ho hadde strikka den til femåringen sin, og eg tenkte at det der måtte jo eg òg klare. Men då  mailen kom innså eg til min skrekk at mønsteret var på engelsk, og størrelsane var for vaksne! Saka med størrelsane ordna seg med eit par tips frå Linda, og etter å ha googla meg fram til ei engelsk-norsk strikke-ordliste sette eg igang med liv og lyst. Mor mi, som er ein erfaren strikkar prøvde så godt ho kunne å skjule sin skepsis til korleis dette skulle gå.

Fakta er at det gjekk som ein leik! Når eg skumma oppskrifta vart eg skrekkslagen, men når eg tok det steg for steg, ord for ord, så skjønte eg faktisk alt saman - heilt sjølv! Så her er Juliet, i ein størrelse som passar sånn ca til Vetlesyster. Dvs at ho har litt å vekse i, og det passar jo alltid godt.
Når alt dette er sagt, så begynte eg med det same på neste Juliet, denne gongen til Storesyster. Eg strikka så langt ribbestrikken gjekk, men då eg skulle ta til på mønsteret fekk eg det slett ikkje til å passe. Eg, som ALDRI rekkjer oppatt, men diktar litt her og der for å få det som eg vil, strikka og rekte oppatt 3 gonger i overgangen frå ribbestrikk til mønster. Så tok tålmodet slutt, og heile prosjektet vart redusert til 3 garnnøster og ein rundpinne. No har eg lagt opp på nytt, og håpar at eg kanskje kan ha betre lukke med meg denne gongen, og at kanskje Storesyster kan få vesten sin iløpet av sommaren.

Heilt til slutt eit bilete av den fiiiine utsikta mi, som eg aldri vert lei. Det er så mykje vakkert fargespel over himmelen her om ettermiddagane og kveldane, og denne var ikkje noko unntak. med skodde over vatnet og eit gyldent skydekke syns eg det var verd eit bilete. Eller 10.

Tudelu!

Sykurs!

Trass sol, varme og sundagsfri har eg tilbragt nesten heile dagen innandørs. Grunnen skreiv eg jo igår: Eg skulle på sykurs hjå Therese med butikken Tiljamiid. Eg tok ut stoff på torsdag, og skulle sy gensar til Vetlesyster og bukse til Storesyster.  Resultatet ser du her!

Eg må berre innrømme at eg er stolt, og nesten litt imponert over kva eg har klart å produsere idag. Det må jo tyde på ein fantastisk god kurshaldar - og det er heilt rett! Therese har ausa over oss av sin kunnskap og erfaring, og eg og sidekvinna (ja, me var berre to, grunna plutselege avbod) noterte flittig og tok til oss så mykje me klarte. Me har sydd både på våre eigne maskiner og på Therese si overlock-maskin, og er sjølvsagt über-inspirerte til vidare prosjekt.

Å sy klede av Therese sine herlege, mjuke bambus-stoff var ein fryd. Jersey-gensar med rosa apekattar til Vetlesyster (som jo er ein liten apekatt ;) ), og blomstrete cordfløyelsbukse til storesyster. Begge med ribbestrikk i alle bròt. Dermed har eg sydd i diverse former for stretch, også i kombinasjon med eit "fast" stoff, og føler eg kan leggje ut på nesten "kva som helst" med den kunnskapen eg har tileigna meg.

Storesyster var superfornøyd, og poserte villig. Vetlesyster var ikkje fullt så villig, og påsto at ho ikkje likte apekattar og iallefall ikkje skulle gå med den i barnehagen i morgon! Tida får vise om ho vert apekatt både inni og utanpå imorgon ;)

No er eg jammensanten trøytt igjen, og satsar på ein tidleg kveld som god start på ei ny veke! Det håpar eg du òg får!

Nymåne, ny månad

Mai har innhenta oss, med fleire vakre vårdagar, faktisk så fine at ein kunne tru det var sommaren som hadde kome litt tidleg dette året. Dagen idag har ikkje vore noko unntak, og me har stort sett tilbragt den ute i sola og varmen. Etter ein dag med ymse arbeid var heller ikkje feil å avslutte med grillmat og ein gjeng kjekke gutar på besøk.

Bloggeinspirasjonen lir visst av litt vårslappheit for tida, men eg håpar at overskuddet kjem over meg igjen snart!

No er eg trøytt, men mest av alt spent på morgondagen! Då skal eg nemleg på sykurs hjå den fantastisk flinke Therese - Tiljamiid. Litt irriterande at eg pga eit speleoppdrag med korpset på morgonkvisten går glipp av den fyrste halvtimen, men når det kjem  17 halvtimar til av kurset, så håpar eg likevel at eg skal få med meg det eg treng. Planen er å sy ein gensar til Vetlesyster og ei bukse til Storesyster, og stoffa tok eg ut på butikken til Therese torsdag. Eg gler meg!!

Med eit bilete av den vakre månen som skin over bygda i kveld seier eg god natt!