laurdag 8. oktober 2011

Laurdag + haustsol = utferdstrang!

Det har vore ein heller våt haust. Endelause regnversdagar, og undring over at det aldri vert tomt der oppe! Difor set me òg enormt pris på det når det endeleg kjem ein vakker haustdag med SOL, slik at me kan sjå kor vakkert det faktisk er ute! På slike dagar får eg maur i kroppen, og må ut, ut, ut....



Min kjære har hatt ekstrajobbing idag, og det var difor me jentene som måtte legge ut på tur, om det skulle verte noko. Dermed var det eit par plassar som vart ekskludert med det same. Etter tips frå bror min, og utlån av to motivatorar på 9 og 11 år, la me i veg, med Eljesstølen som mål.  Det er nesten litt flaut, men eg har antakeleg ikkje vore der på iallefall 10 år, om ikkje meir. Likevel var det mange stader som var kjende, og minna frå skiturar i barndomen dukka opp ved synet av ei gamal grind, ei hytte, og ein bratt sti gjennom skogen.


 Kameraet har stått på heil-manuelle instillingar heile turen, og det har gjeve litt ymse resultat. Det er ikkje alltid like lett å treffe både lukkartid og blendaropning når ein skal "trekke av" i ulike situasjonar, men iallefall nokre av bileta vart eg fornøyd med. Me såg både gneistrande vakre haustfargar, og spor av nysnø (!) langs vegen.



Kjekt var det òg at det var folk på stølen når me kom fram, så dei små fekk endå fleire å leike med, og me kunne sitte i solveggen og nyte dagen. Og til alt hell: når storesyster hadde ramla seg uti myra og var våt til langt over knea, då hadde husfolket eit par turre plagg å hjelpe oss med. Tusen takk!



Etter ein slik dag er det ekstra godt å kroe seg i godstolen, med litt raudt i glaset, og min kjære endeleg heime!
Måtte det verte mange fleire slike dagar utover seinhausten!

7 kommentarer:

Merete sa...

Fantastiske bilder! Hørtes ut som en perfekt høstlørdag ♥

Lene K. P. W. P. sa...

Utrolig flotte bilder Åslaug ;) Flott at dere kom dere ut på tur!

♥ Gamleheksa ♥ sa...

Sånne høstdager er skikkelige batteriladere :)

Patina-H sa...

Ein flott haustdag ! Og takk for at du tok med mine på tur ! Dei hadde det kjempekjekt :)

Orlaug sa...

Ser tydeleg at det var ein fin tur......flotte fargar!

Anne sa...

NYDELIGE høstbilder !!
Du er utrolig flink til å ta bilder.
Klem

Heidi (Vidunderleg) sa...

Så fine og stemningsfulle bilete! I like!! Slike dagar er verkeleg vitamininnsprøytninG!

Related Posts with Thumbnails