måndag 30. mai 2011

Eksamenspause og flink bror

No skundar eg meg litt. Skundar meg fordi klokka er snart 10, mann og barn har reist til sine respektive gjeremål, og eg eigentleg skulle vore igang med å skrive vidare på eksamensoppgåva mi. Men eg MÅ berre skrive dette fyrst....

Igår kveld lot eg nemleg (også) eksamen vere eksamen, og tok med meg mine søte små på konsert. Voss har, som eg sikkert har nemnt før, noko såpass unikt som eit lokalt symfoniorkester, med ei fin blanding amatørar, profesjonelle, unge og gamle. Eg var sjølv med i dette orkesteret då eg gjekk på ungdomsskule og vidaregåande, på trompet. Men igår kveld var det yngste bror min som var i rampelyset. Han var solist med orkesteret, og klarte oppgåva (ikkje uventa) med glans, der han trakterte både piccolotrompet, "vanleg" trompet, og flygelhorn.



Eg syns me har lov til å vere stolt, både "eine og hin", over den flinke vetleguten. (Nei, eg veit; han er jo ikkje så liten lenger..) Kjekt var det jo òg at både eldste bror og far sat i orkesteret og store deler av familien elles i salen, med stort og smått. Og ekstra nostalgisk vart eg då konserten vart avslutta med ein flygelhornsolo, "A child is born", som eg sjølv spela med det same orkesteret som 16-åring - akurat den kvelden og og min kjære Rosamann vart eit par....mimremimre ;)

Så er det berre å ynskje den flinkaste vetlebroren all verdas lukke med trompeteksamen neste veke, og sjølv brette opp armane og fortsetje med min eigen eksamen.

Tudelu!

4 kommentarer:

♥ Gamleheksa ♥ sa...

Jeg blir helt rørt jeg. Bra jeg ikke satt i salen og stortute :) Nostalgisk gammel heks som syns det er så morsomt med flinke ungdommer.
Ha ei god eksamenslesing.

Anita Kristin sa...

Takk for koseleg helsing. Mai-veret glimrar med sitt fråver, ja. Her er det heller haust.

Lykke til med eksamensinnspurten!

Igi sa...

Lykke til med eksamen! Viktig å kose seg av og til selv om det er en hverdag full av stress.
Klem

Jill i Fyra Rum och Kök sa...

Så kjekt med examen. Och såklart må man få vara extra stolt över sin bror. Han må ju vara flink när han blir vald till solist. :-)

Ha det gott!

Related Posts with Thumbnails