laurdag 12. februar 2011

Hobbyrom

Mange som har kome på besøk i Rosaheimen har vorte forundra over kor stort huset faktisk er. Dei syns det har sett lite ut frå utsida.... Men huset har ei grunnflate på ca 85 kvm, og i 2. etg har me faktisk 6 rom som vert eller kunne vorte brukt til soverom i ulike størrelsar(!). Det rommet eg og Rosamannen har er ca 24 kvm, og har ein vegg dekka av innebygde skap. Jentene har kvar sine rom, og så har me eit gjesterom der det står ei nydeleg heimelaga dobbeltseng frå tidlegare tider. Dette rommet har dei siste vekene vorte omgjort til "gutterom", samtidig som den gamle senga står der og ventar på nye gjester. Min kjære har fiksa og ordna, hengt opp hyller og stativ, og no har han plass til både musikkanlegg, instrumenta sine, lydopptakar og dartskiva - her er det duka for mykje morro!

 Sjølv har eg hatt "jenterommet" mitt ganske lenge. Eit av dei små romma, som før var soverom til tidlegare eigar si dotter, er no i endå større grad vorte tilpassa meg og mitt. Det gamle staselege skrivebordet er supert til scrappepult, med små hyller over til knappar, band og annan pynt. Dei romslege skuffene rommar stempelsaker, klistremerker, limtilbehør og diverse papir.

 Det som er nytt er at den gamle senga har vorte bytta ut med det gamle databordet vårt (ikkje gamalt i den forstand, men det har fylgd oss heilt sidan me flytta for oss sjølve ilag, for litt over 10 år sidan), der eg har både printer og kuttemaskina Silhouette tilkobla ein litt forelda PC. Attmed den kvite kommoden som innehelg både stoff til syprosjekt, litt huer og vottar, og dessutan ei skuff med innpakningspapir og gåveband, står eit bord med mamma si gamle symaskin på. Eg har hatt eit par mindre prosjekt med denne (vert jo så innihampen inspirert berre eg får ein Stoff&Still-katalog innanfor eit par meters omkrets!!), men føler ikkje at me har blitt bestevener, akurat....


I tillegg til denne ommøbleringa kjem det kanskje viktigaste; på den eine kortveggen har eg fått opp hyller! Dei gamle butikkhyllene som låg i huset kom til nytte til slutt, og passar supert inn! Foreløpig ein tanke ustruktererte, men veldig kjekke å ha!

Igår kveld sat eg i fleire timar på rommet mitt, og fekk laga to kort. Det var utruleg kjekt å sitte og jobbe når alt var så tilgjengeleg!

Har DU ein plass til hobby og handarbeid?

PS: dårlege bilete vert det når det er kveld, taklampe manglar, og eg dessutan har seld den linsa som hadde brennvide ned til 18mm.. Vankelseg å ta bilder av rom, då..

7 kommentarer:

♥ Gamleheksa ♥ sa...

Jepp, jeg har hobbyrom. Det er fordelen med gammelt, stort hus :) Men mitt er nærmest et lager for tida og slett ikke bloggbart.

God morsdag.

igi sa...

Så kjekt med et eget rom for hobby! Jeg har ikke det, så hobby saker ligger å flyter overalt...
Klem fra Igi

Patina-H sa...

Deilig med eit slikt hobbyrom :) Lyt bort og inspisera ein dag, visst ;)

Jill i Fyra Rum och Kök sa...

Så härligt med ett jenterom! Och god plass och förvaring har du ju.
Har plass jag med till mina alla ting uppe i arbetsrummet, men jag drar allt som oftast ner det jag trenger och sitter i stuen... :-)

Hoppas du har haft en riktigt fin Alla Hjärtans Dag!

Jill i Fyra Rum och Kök sa...

Och ja...visst hade det vart på plats med en Bergensträff snart! :-)

Anne sa...

Så fint hobbyrom du har !
Hobbyting tar stor plass, så er godt å ha ett eget rom til alt utstyret:)

Lene sa...

Så fint du har fått hobbyrommet ditt ;) Gleder meg til å se korta du har laga også! Hadde planer om å legge ut bilder av hobbyrommet mitt når det har blitt ryddig, men det skjer visst ikke ;) hehe!

Related Posts with Thumbnails