laurdag 1. januar 2011

2011

... er her.

Me feira det nye året hjå svigerforeldra mine, der me har vore sidan onsdag kveld. Turen dit, som vanlegvis tar i underkant av ein time, brukte me ca 3 timar på denne kvelden. Grunnen var at bilen vår fann det for godt å byrje å trekke til høgre kant medan eg køyrde. Nokre små nykk først, og sidan meir og meir, før det berre var dunkelydar og eit ratt som rista. I sniglefart inn på næraste avkøyrsle og deretter ringe Falken og svigerfar, for å hente henholdsvis bilen og oss. Alt gjekk fint, og det er ikkje veldig alvorleg fatt med bilen, men nok til at me måtte låne svigermor sin bil då me skulle køyre heimatt ikveld.

Dei siste dagane av året har me kosa oss med Bestemor og Bestefar. Me har gått jolebukk, vore ute og aka, sett på tv og ete snop og god mat. Sjølve nyårskvelden kasta vetlesyster inn handkleet allereie klokka halv ni, medan Storesyster kjempa seg vaken til ein god time av det nye året var overstått og rakettane var sendt til himmels.



Men idag ville me heim. Me sakna huset vårt, rett og slett. Storesyster var så glad for å ligge i senga si ikveld, og eg og Rosamannen nyt å sitje i vår eiga stove - i vårt eige hus. Og det er IKKJE fordi me ikkje har hatt det bra der me har vore... det er berre så godt å komme heim :)


Så får me sjå då, kva 2011 kjem til å innehalde av gleder, sorger, overraskingar og utfordringar. Det fyrste me har å gle oss til er ein tur med heile familien (og mannen sine kollegaer) til London om 2 veker. Det vert spanande å reise dit med prinsessene, og ein må sjølvsagt legge opp programmet anleis enn me elles ville gjort, men me syns det er kjekt at dei òg kan få vere med når mor og far skal på langtur!

Dagens bilete er av dei to nydelege snøkulene me fekk til jol. Den nederste spelar endåtil "O, Tannenbaum" når ein trekkjer ho opp, og toget går rundt og rundt. Kjempefin! Det er også den fornøyelege englejenta i den øverste, som me fekk av gode vener. Begge prydar flygelet i stova - iallefall denne jola.

Håpar du har hatt ei fin helg, og ein god start på eit nytt år!

5 kommentarer:

Anne sa...

Borte bra men hjemme best :)
Godt nyttår !

FruFly★Heidi sa...

Godt nyttår til deg og dine!:) Ønsker dere alt godt for året som kommer!<3 Og goood tur til London! God klem fra Heidi

Rønnaug S. sa...

Alltid godt å komme heim att, ja.

Godt det ikke var så veldig alvorlig fatt med bilen. Håper den er frisk ganske snart.

Og de snøkulene var jo helt skjønne. Utrolig hva som kan lages på den måten.

I morra er jeg igang igjen. Da blir det kontordag med alt tilhørende. Skal i grunnen bli kjekt det :)

Jill i Fyra Rum och Kök sa...

Gott Nytt År!
Hoppas att du och familjen får ett riktigt fint 2011, det börjar ju väldigt bra med en tur till London. :)

Det är alltid bäst hemma, även om man har det fint hos andra med, så jag förstår verkligen att det var skönt att komma hem. Vi tillbringade ju julen hos mina föräldrar och hade det väldigt kjekt, men det är alltid som bäst hemma bland de egna tingen. :)

Ha det gott! Och stort tack för dina alltid så fina hälsningar inne hos mig. Klem!

HildeS. sa...

Nydelege Snøkuler du har fått:)
Eg er på jakt etter den perfekte snøkula
(ei slik som bestemor mi hadde når eg var lita)
men har ikkje funne ho enno:)
Ønskjer deg og dine eit nydeleg godt nytt år:)
Klem H

Related Posts with Thumbnails