Tante-gåve

Då eg vart døypt var det ein onkel og ei tante på morssida som var fadrar på meg. I heile oppveksten kom det kjekke pakkar i posten til jol og bursdagar. Ved konfirmasjonsalder gjekk det over til å verte pakkar på runde dagar. Og sjølv no, i ein alder av 30 år, fekk eg tante-pakke frå den snille gudmora mi, saman med eit kosleg kort.

Ei søt nålepute, med beskjed om å bruke den flittigt! Tanta mi har alltid vore ein reser til å brodere, og eg har ein mistanke om at denne er eigenprodusert, sjølv om eg ikkje skal garantere det. Handlaga er den iallefall!



Så spørs det då, om eg vert ei flittig syerske....... akurat no er eg igang med eit lite strikketøy, og syns ikkje det er verst, berre det!

Onsd......nei, fredag no alt??

Eg skjønar ikkje heilt korleis det har gått til, men 5 dagar utan innlegg var då frykteleg lenge! Ein skulle jo tru at med haustferie hadde eg god tid til både blogging og anna, men slik vart det altså ikkje. Veka har gått som ein vind, og (sjølv om eg trivst veldig godt i jobben min!) det har vore utruleg godt med eit avbrekk midt i hausten. Eg og Storesyster har vore heime kvar dag, Vetlesyster har hatt korte dagar i barnehagen, og heilt fri idag. Det har òg Rosamannen, som har gjort den enorme jobben med å stabla skiferhellene me henta frå taket tidlegare i haust opp på pallar etter bestemt antall slik at me forhåpentlegvis kan få seld dei vidare (er du interessert så må du for all del gje ein lyd! ;) ) Flinke mannen min!

Dagen idag har me hatt koslege besøk som har avløyst kvarandre, frå morgon til kveld. Ein fin dag!
Tidlegare i veka hadde Storesyster besøk av ein kjekk gut som òg går i 1. klasse, og på tavla på kjøkkenet vårt leikte dei skule. Timeplanen ser du over (Matte, norsk, gym, uteskule, kunst&handverk, om nokon skulle ha vanskelegheiter med å tyde skrifta). Eg syns det er så morro å fylgje med på korleis dei formar ord, og stavar seg igjennom både det dei les, og ord dei høyrer eller tenkjer på. Tenk for ein læringskurve dei har!!

Så er det nok ein herleg fredagskveld, og i helga ventar koslege bursdagsfeiringar av heile 3 tanteborn. Det er stas! Håpar du får ei fin oktoberhelg der du er!

Badet vårt før - under - etter oppussing

 Advarsel - sterke scener!! (bileta vert større om du trykker på dei, for å ta ein ekstra kikk på dei rosa veggane eller det spygrøne toalettet ;) ) Bileta som heng i hop viser same vegg/ same krok, men nokre gonger i frå litt ulik vinkel.

Då me flytta inn i huset vårt for snart 5 år sidan var badet det eg ville kalle "heilt greit". Det var ikkje pent, men det var grei størrelse på, og det var relativt funksjonellt. Der var opplegg for vaskemaskin, og på toppen av denne stod tørketrommelen. (Alle før-bileta vart tekne når me flytta inn. Vask og tørk stod i kroken innanfor bordet som viser på øverste biletet. Bordet måtte vika plassen for kommode med stelleplass, og etterkvart kom også eit stort skap inn i rommet, for å få plass til alt som var nødvendig ifbm vask og stell.

Sidan det kom vatn i også denne ytterveggen i vinter, måtte denne rivast. Då dette kom på tale ynskte me å få oppgradert badet, men kun om det var slik at ein uansett måtte skifte alle fire veggar for å få eit "heilt" rom. Det måtte dei, og då gav me beskjed om at me ville gjere oppgraderingsjobben sjølve. Etter ei tid viste det seg at me då måtte koste m.a. alt røyrarbeidet sjølve, og at dei kun ville ha smellt opp igjen våtromsplater på den aktuelle veggen (i ein annan farge!?) om me ikkje hadde teke skeia i eiga hand. Det grunnleggjande stender-/og panelarbeidet fekk me iallefall gjort av fagfolka. Uansett - nytt bad har det vorte, etter ein lang sommar med arbeid. Og når alt kjem til alt er me jo knallfornøyde med badet me har fått!!

For å få det gjort måtte me (les: mannen og gode hjelparar) bore vekk 15 cm støypt golv, skifte stenderverk og ramme i yttervegg, alt av plater osv på dei tre andre veggane, og dessutan sikfte vindauga i rommet. I tillegg grov han igjennom pukk og jord for å komme ned til det punktet i grunnmuren dei i hine hårde dage hadde putta avløpet igjennom den metertjukke muren, for at røyrleggjaren skulle kunne skifte det heile. Mange timar og mykje sveitte!!

Me har sett inn ei dør inn til det som skal verte vaskerom, og me har fått lagt vatn, avløp og kloakklufting opp i 2. etg (og sistnemnde ut av huset gjennom det nye taket). I tillegg har me jo fått oss badekar!! Dei som har fylgd meg ei stund huskar kanskje den fantastiske historia om ekspress-badekaret!? Varmekablar og fliser har det vorte. Alt flisearbeid har me gjort sjølve (heldigvis var me igang og tilnærma ferdig med dette før den nye lova om oppussing/oppføring av bad trådte i kraft!), medan røyrarbeid og alt elektrisk sjølvsagt er gjort av fagfolk.

Og no har me eit herlegt bad, rett og slett. Dei turkise detaljane vart kjøpte på ferie i Kristiansand, då me ein regnversdag dumpa inn på Sørlandssenteret og den herlege butikken Lucky Duck. Då var Rosa lukkeleg! I skrivande stund sit faktisk det ein lukkeleg, nybada rosamann ved sida mi ;)

God veke!

Laurdagsbilder på sundag

Storesyster i tøff jakke og pappen sin sixpence fann seg ein ny stil igår. Eg syns ho var kul! :) Litt leik med kamera vart det, men eg er generelt lite nøgd med bileta mine for tida. Auga ser så mykje vakkert, og intensjonane med kameraet er gode - resultatet er desverre ikkje heilt det same. Eg ynskjer meg fotokurs! eit langt og grundigt eit. Og så ynskjer eg meg intenst eit makro-objektiv!!! Eg les fotoblad, kikkar på bloggar, og drøymer om eit slikt, men me får sjå kortid det vert ordnings med finansane ;)
Siste bilete er av ei lita señorita i kjole frå Spania. Begge jentene fekk slik då tante og onkel kom att frå varme strok igår, og sidan har kjolane vore på!

God Sundag!