På desse fem dagane har eg malt, malt, og malt litt meir. Dei tilsaman 8 veggane i det som no er ei 35 kvm stor stove har fått 3 strøk kvit maling, og det har tatt mykje lenger tid enn eg trudde!
Med perlestaffpanel på 5 nokså små veggar, og gammal tømmer på 3 nokså store veggar måtte det bli slik..
.jpg)
Dagens bilete viser det me fann under dei gamle veggplatene i stova. Bildet over er ein av veggane i det som tidlegare var kjøkken, men som no er innlemma i stova. Eg syns det var fantastisk morsomt å sjå spora av oppussing i svunnen tid, der dei heilt tydeleg har malt rundt hyller og skap når dei har skifta farge. Og fargane var ikkje noko tull: gult, grønt og blått!.JPG)
På ein av veggane fann me opninga etter eit tidlegare vindauga, då dette var yttervegg før huset vart bygd på siste gongen, på 70-talet. I et anna innlegg skal du få sjå kva me har gjort med denne opninga..JPG)
Eit bilete frå storestova mot den nye delen. Den observante legg kanskje merke til atveggen er ein tanke skeiv. Alle bileta er eigentleg forelda - dvs eit par veker gamle, for no er det ei heilt anna stove ein kjem inn i. I veka som har gått har min kjære flisa veggane på badet, og idag har me fuga dei. Eg tok den fyrste veggen, han tok dei 3 andre ;) Det begynnar å nærme seg enden på prosjektet vårt, sjølv om me har mykje arbeid att. Lister og maling av desse, legge golv i stova, og imorgon skal mannen begynna å flisa baderomsgolvet!
God natt, og god helg!!(frå Rosa, som sit i sofaen og duppar mellom setningane...)
