fredag 25. juni 2010

Jonsok-glimt på tur

Klokka er langt over midnatt, og eg sitt i ein sofa hjå ei god veninne i hovudstaden. Togturen over fjellet vart ein time lenger enn forventa, men bortsett frå at det vart litt seint i seng for veninna mi, så gjorde det meg ingenting. Eg NYT slike togturar!!!

Eg har lest ut ei bok, eg har laga flygar (flyer) til ein viss BalkanFest, og eg har leika litt med bilder frå jonsokfeiringa vår. Grunnen til reisa er eit jobbrelatert møte imorgon, og når ein i tillegg kan få putta inn litt kvalitetstid med to gode jenter, og herleg togtid, då burde alt ligge til rette for ei god helg! Litt vanskeleg å reise frå heimen når det meste står på hovudet og to travle jenter helt pappaen i ande heile tida, men eg skal kosa meg så mykje eg berre klarar, før eg reiser heimatt laurdag føremiddag.

Håpar du får ei god helg, du òg!!




(eit litt voldsomt jonsokbål, som sende røyk og oske inn over trehusbebygginga i bygda. Heldigvis var trygge brannmannar på plass, og kunne med glede få prøva ut den nye "vannveggen" sin mot flammane. )


måndag 21. juni 2010

Vinnarar

Jepp, ikveld har me hatt ei høgst uformell trekking i heimen. 15 deltakarar meldte seg på (Rønnaug var eigentleg litt for sein, men det var jo ikkje akurat trengsel, så ho fekk vere med likevel ;) )
Bror min fekk velje eit tal mellom 1 og 15, og valde 7. Storesyster som òg var i rommet ville vere med, og dermed måtte det bli ein trøystepremie òg. Storesyster valde nr 15.

Vinnarane er difor Henriette, som eg håpar eg får drikka kaffi med ein gong, og Rønnaug, som eg drikk kaffi med nesten kvar dag :). Eg har ein plan, og om Henriette sender meg adressa si så skal dei få premiane sine om ikkje så lenge.

Ikveld har eg forøvrig pussa ferdig den største veggen i stova vår, og har berre att å pussa to små veggar i den nye delen av stova - det som var det gamle kjøkkenet, det me brukte då me flytta inn i huset. Endeleg skal det få ein ny funksjon!

Til slutt, ein varm og god tanke til Rod i hob - tenkjer på deg!


søndag 20. juni 2010

Påminning

Minnar berre om at det er siste sjangs for å bli med i trekkinga om ei fin jubileumsgåve ved å skrive ein kommentar under dette innlegget.

Dagen idag har me brukt til å besøke svigerinne og svoger som me ser altfor sjeldan. Ein kosleg dag med god mat, fint vèr og godt selskap. Fin oppladning til ei god økt med pussemaskina ikveld, det....

God sundagskveld!
Related Posts with Thumbnails