Evangerlaurdag

Ein snartur innom bloggen i nok ei travel veke. Imorgon vert nesten-fri-fredagen oppteken av innkjøp og organisering til Evangerlaurdag som føregår fyrstkomande laurdag mellom dei gamle trehusa i "Gato" på Evanger. Eg er den heldige vinnaren av kafè-ansvaret, og det er ei heilt ny erfaring. Med god hjelp frå dugnadsfolk i bygda håpar eg det skal gå vel..

Plakaten er eit samarbeidsprosjekt med ei anna dame i nemnda, og om ikkje anna kan ein iallefall sei at den lyser godt opp!

Er du i distriktet, eller har du rett og slett lyst ut på tur på laurdag, så kom til Evanger!!

Innskrivingsdag

Denne våren har vore full av spanande dagar for Storesyster. Det handlar om å verte kjend med eit heilt nytt system - skulesystemet. Til hausten er ho fyrsteklassing, og sist fredag var det innskrivingsdag på skulen. Mor fekk vere med, og det var utruleg kjekt å sjå spenningen mellom 5/6-åringane i møte med små drypp av ein ny kvardag.

Og så er det ikkje til å komme unna at det er litt vemodig at den sorglause barnehageperioden er over for hennar del. At jenta er vorte så stor, og no skal ta eit steg vidare på vegen mot sjølvstendig. Storesyster sjølv kan ikkje komme dit fort nok. Ho gler seg enormt til å komme igang, og til å leike med gode vener som allereie har gått der eitt eller fleire år.

Med ivrig jente på førskule-veg ynskjer eg deg ei god veke! Hugs at om du vil vere med i feiringa av no passerte 50 000 treff, så er det berre å legge att ein kommentar under dette innlegget.