laurdag 17. april 2010

Reisebrev frå New York - St. John the Divine

Eit av punkta på "vil sjå"-lista mi for New York var katedralen St. John the Divine. Det er den største kyrkja i gotisk stil i heile verda, og den har like stort areal som to amerikanske fotballbaner.

Å komma inn her var "breathtaking", som det heiter på godt norsk. Ei enorm takhøgd, så vanvittig langt fram til alteret, og så mange detaljar at ein kunne gå rundt og rundt og stadig oppdage noko nytt.

Rett innom døra var det mogleg å tenne lys, som kunne kjøpast for ein slant i "publikums-senteret" ved inngangen. Då eg kom inn var det eit jentekor og eit janitsjar-skulekorps som hadde konsert for turistar og sine eigne medbrakte tilhøyrarar. Vakker stemning!

Byggestart for kyrkja var i 1892, og den er framleis "under construction". Rundt koret i kyrkja (altså den delen av kyrkjerommet som heiter koret, ikkje dei syngande jentene frå Chicago), låg det 4-5 små kapell, med kvar sine vakre utformingar, tileigna ulike helgenar, og donert frå ulike velståande familiar i New York si historie. Hovudorgelet er enormt, med over 8000 piper, og over alt er det fantastiske glasmåleri/glasmosaikk. Vil du lese meir om Cathedral Church of St. John the Divine, finn du ei eiga heimeside her.




















torsdag 15. april 2010

Reisebrev frå New York - del 2

Dag 2 i New York brukte me til ein ny busstur med guide, denne gongen på øvre del av Manhattan. Her hoppa me av på naturhistorisk museum, og deretter på The Met (Metropolitan Museum of Art). Fantastiske museum, begge to, og ein kunne nok brukt både ein og to dagar på kvart av dei om ein verkeleg skulle få med seg alt. Me brukte eit par timar..... Etter the Met me rusla me gjennom parken tilbake til hotellet, og der var det eit yrande liv. Det var sundag ettermiddag i godt vèr, og folk overalt! (hugs at alle bileta vert større om du klikkar på dei)
---------------------------------

Vakre tulipanar midt i byen
Levande musikk, ved ingangen til Central Park
Naturhistorisk musem.

Fantastiske utstillingar, med slik djupn at ein nesten følte ein gjekk inn i det gamle Egypt.
Dinosaurar i alle former og størrelsar..
Rosamannen vart litt liten attmed ein T-Rex.
Ein armensk prest frå tidlege tider.
Mannens absolutte favoritt: Blåkvalen. Eit enormt vesen, som sveva i det store rommet.

Duke Ellington står og heng ved flygelet på det nord-austlege hjørna av Central park.

Metropolitan Museum of Art. Gedigent, også det.

Frå det gamle Egypt.

Denne kunne ein sjølvsagt gå inn i. Den stod inni ein stor hall.

Med glasstak vart det fantastisk lys inni eindel av dei store hallane.
Ein bygningsfasade i fullformat - inni musèet.

me måtte sjølvsagt få med oss utstillinga med gamle og nye musikkinstrument. Eg har aldri sett det før, men dette er altså eit "dobbel bell" bass-flygelhorn. Knallkult!
Tilbake i Central Park var det tromme-jam, der den eine etter den andre lot seg rive med på "dansegolvet".
Desse to "husdyra" høyrde til......

....denne fargerike fyren, som tok heilt av.
Fantastisk underhaldande, med klesbyte undervegs.

Rett bortanfor var det diskomusikk, og dei fleste dansa med rulleskøyter på beina.
Denne doningen tilhøyrde nokon av dei.
Rulleskøytedisco.

Det vert nok reisebrev også etter me har komme heimatt, for eg har så mykje bilder eg må dele med dykk, som eg ikkje rekk medan me er her. No er det jo litt spenning mtp heimreisa også, sidan Island har sendt ei aldri så lita oskesky inn over Noreg og Europa. Jens sitt stuck her i NYC, men me får jo håpe og tru at skya har løyst seg opp til sundag ettermiddag/natt til mandag!
And this concludes today's report from The big apple :)

måndag 12. april 2010

Reisebrev frå New York - del 1

This is Rosa calling, from the Big Apple!

Neidå, fullt så gale er det ikkje, at eg må skrive på engelsk. men her kjem altså eit aldri så lite ras av bilder frå det fyrste døgnet her i NYC. No er det måndag morgon, og me har hatt ei aldeles fantastisk helg i storbyen. Den fyrste morgonen vakna me grytidleg, lokal tid, og tok ein tur i Central Park før frokost. Der fekk me med oss soloppgangen og litt dyreliv, som dei øverste bileta viser. Sidan var me ein tur på Apple Store, og kjøpte det nye vidunderet til Apple: iPad. Ei knallkul lita "fjøl" som eg og mannen nok skal dele på ;)

Midt i bildene ser du ei kyrkje, før me havnar høgt oppe - på toppen av Rockefeller Center. Der såg me bort på Empire State Building, og ned på alt anna. Den før nevnte kyrkja vart bittelita!

Ein sightseeingbuss tok oss til West Village, der me tok ein aldri så liten utepils før eit par timars vandring i Chinatown. Der var det eit yrande liv, levande musikk og kinesarar som tilbrakte laurdag ettermiddag med brettspel og sosialt samvær.

Dette vart veldig kort referert, men eg er nesten tom for batteri på laptop'en, og den må vente på tur for å bli lada. Frokost-tid, og så er det tid for nye eventyr!

See ya'!









































Related Posts with Thumbnails