torsdag 8. april 2010

Start spreadin' the news



Med eit ullgrått bilete frå det ugjestmilde gjesterommet vårt kan eg no konstatere at me har flytta heim til mor og far. Dei siste par dagane har vore enormt hektiske, sidan me plutseleg fekk beskjed om at byggmesteren skulle begynne riving i huset igår. Alt av lausøyre er stua inn på gjesterom, jenterom og det rommet som tidlegare var kjøkken. Det er fullt! Dei to karane var raske og effektive, og fekk unna mykje meir enn eg hadde forventa igår. Dermed vart det panikkrydding til uti dei små timar, og grytidleg opp idag for å fortsetje. Men no - no er me ferdige med denne biten. No sitt eg i sofaen og ladar opp til å sjekke pakkelista mi mot innhaldet i kofferten heilt på skikkeleg. Om 9 timar skal me reise herifrå, køyre til Flesland, og så ta til på det 10 dagar lange New York, eventyret. Eg er frykeleg spent, men veit ikkje om det heilt har gått opp for meg at det no er alvor. Det virkar nesten surrelistisk at me skal reise så langt og vere vekke så lenge, og spesiellt med tanke på alt som skal foregå her heime. Forhåpentlegvis går alt veldig bra!!

Og, skulle du vere i tvil - både fotoapparat og laptop skal vere med ut i den store verda, så det kjem nokså sikkert opptil fleire reisebrev frå "over there" dei næraste 10 dagane. Eg har ikkje fått besøkt andre bloggar heller dei siste dagane, men håpar ikkje nokon vært fornærma for det ;)

Tudelu!

måndag 5. april 2010

Snøklokkeutsikt, og litt panikk

Det er siste dag av påskehelga, og ute skin sola som berre det. Me i Rosaheimen skal berre få oss litt brunch før me finn fram syklar og hjelmar, og tek turen til "sentrum" i bygda, så ungane kan sykle fritt, og kanskje finne eit par leikekameratar. Trur faktisk eg skal ta med meg ei kanne kaffi òg på turen, og nyte vårsol og varme.

Me kom heim etter ein liten påsketur til svigers igår, og det var der eg tok biletet over, med snøklokker i framgrunnen og utsikten mot Osterøybrua i bakgrunnen. Biletet vart teke påskeaftan, då me hadde fantastisk vårsol, og tilbragte mange timar ute i godt selskap.

Vel heime har plutseleg fleire ting slått inn i hovudet mitt med stor kraft. Som at det no er 4 dagar til me reiser til New York, og at dei fire dagane går farleg fort! Og at me samtidig antakeleg skal flytte opp til mor og far, sidan (forhåpentlegvis) arbeidsfolk skal innta heimen vår medan me er vekke, og sette igang riving av diverse veggar som vart vannskada. Framleis veit me ikkje heilt når, og me veit heller ikkje kor mykje me faktisk må pakke. Held det med "lausøyre", eller skal huset tømmast? Imorgon lyt me få svar på både det eine og det andre, for dagane spring verkeleg ifrå oss her, føler eg.

Håpar du der ute har ein vakker 2. påskedag, og har hatt gode dagar med vener og familie!
Related Posts with Thumbnails