torsdag 30. desember 2010

Det rosa året - 2010

Det er tida for årskavalkadar, og her i det rosa universet har dette vorte meirso ein tradisjon! Eg syns det er litt kjekt å sitta og scrolle meg igjennom månadane med innlegg, mimre litt og gremmast litt ;) So, here we go:

Det rosa året - 2010

Januar kom med sprengkulde, og eit aldri så lite mareritt starta, med frose vatn i røyra, og deretter dryppande vatn i vindaugskarmar og langs ytterveggane innandørs. Men ute var det vakkert, vakkert!



Vinteren gjekk hald fram i Februar , med meir vatn i huset, ein lett invalidisert rosamann som hadde vore for tøff i vedaskog (og deretter gjorde eit lite stunt på ski), og der eg tok oppatt gamle kunstar på scrapperommet etter ei lang pause. Eg var også på kurs i Adobe Photoshop, og leika endå meir enn før med eigne foto.


Så vart det mars, og vinteren fortsatte til midt i månaden, då vestlandsvèret sette inn på nytt. I korpset eg leiar hadde me eit storprosjekt med vokalensemblet Stilett frå hovudstaden, og alt arbeidet var verkeleg verd det når kvelden vart ein stor suksess! Storesyster nådde ein milepæl då ho mista si fyrste tann, og me lada opp til den store turen til New York, samtidig som me pakka hus og heim ned i kassar.


Så kom april, med påskefeiring og løfte om vår! Familien Rosa flytta ut av huset og heim til foreldra mine, før eg og Rosamannen reiste til på den fantastiske 10-dagarsturen vår til New York! Medan me var "over there" starta oskekrisa som lamma "heile verda", men på nesten magisk vis gjekk flyet vårt som det einaste heimatt over Atlanteren.


I mai var det mykje jobbing i huset, særleg med bad (bildet) og stove. Jentene fekk seg Hausbunadar til konfirmasjon og nasjonaldag, og i naturen skaut det fram med vakre blomar.


I juni feira eg 50 000 besøk i det rosa universet med ein give-away. Storesyster hadde innskrivingsdag på skulen, og i huset fortsatte me med oppussinga av stove og bad. Me feira dessutan jonsok, og eg fekk meg ein tur til hovudstaden.


Juli - sommarmånaden - starta med ei fantastisk badekar-historie! Oppussinga gjekk sin gang, og familien Rosa reiste på ferie sørover, til hyttebesøk og dyrepark, der Storesyster vann tidenes største tivoli-bamse.

Så kom august, som blei ein svært innhaldsrik månad - på (mest) godt og (litt) vondt. Eg nemner i fleng; eg og rosamannen hadde ull-bryllupsdag, (som Rosamannen benytta til å hente ei ny dame til huset) og hadde ein tur til Biri og Mjøsmarknaden. Jentene fyllte 3 og 6 år, storesyster byrja på skulen, me flytta heimatt i huset vårt, og hadde dugnad for å få teke ned skifertaket. Den siste helga i august reiste eg til Spania på studieveke, men avreisa vart utsett med ein dag, då Storesyster vart påkøyrd rett utanfor huset vårt.



Så var det september, som for meg starta på den spanske solkysten, på sjømannskyrkja El Campanario. Fantastiske omgjevnader og fantastisk mat, i svært godt selskap! Vel heime kunne me nyte fantastiske haustdagar, og eg kunne endeleg vise den ferdig-oppussa stova mi, saman med før- og undervegsbilder.



Oktober er MIN månad, og dette året ekstra mykje, sidan eg runda 30 år. I oktober kunne me òg senke skuldrane, for då vart det nye taket på huset ferdig. Som i september hadde me vakre haustdagar, og -kveldar! Eg kunne vise fram det ferdige badet, og på grunn av bloggen og huset vart eg kontakta av ein journalist, og enda opp som midtside-pike i lokalavisa.


I november vart det eindel scrapping, både frå meg sjølv, og frå flinke damer som forærte meg nydelege gåver. November kom dessutan med kuldebylgje og eit fantastisk blått vinterljos over bygda, og frostroser, som eg kunne forevige med mi nye makro-linse!


Som alle år tidlegare, kom desember til slutt. Kulda har vore konstant, og snøen har etterkvart lagt seg som eit teppe over landskapet. I den vesle bygda har me hatt jolemarknad, og 2. sundag i advent tok familien Rosa turen til ein heil by av pepperkaker. Sjølv tjuvstarta eg nok litt på jola, då min kjære kom heim med eit fantastisk Canon 7D kamera, og imellom Luciaopptog og jolatrefestar har me sakte men sikkert gjort førebuingane til den store høgtida.

Og no er jola snart over, saman med heile 2010. Det har som dei fleste andre år hatt sine opp- og nedturar, sine sorger og gleder. Men alt i alt må me sei at me er privelegerte, som har friske ungar, tett tak over hovudet og vener og familie rundt oss. No ynskjer me eit nytt år velkomen, og me håpar det vert minst like bra som det som snart er over!!

Det er ikkje sikkert du har hengt med, men eg vil likevel heilt på tampen av innlegget - og året - takke for fylgjet her på bloggen. Takk for fine kommentarar, ros og trøyst eg har motteke frå vener der ute eg aldri har møtt (og nokon eg kjenner i større eller mindre grad). Eg håpar me får mange gode bloggstunder også i 2011.

Godt nytt år,
og takk for det gamle!!

5 kommentarer:

Annika sa...

Eit fin kavalkade! Det har vore eit innholdsrikt år med dykk ja, håper det neste blir roligare, med tanke på vannlekkasjer og oppussing!

Bursdagen har vore heilt grei. Bursdagar kjem det fleire av, så eg tek ikkje det så tungt.

Men ja, mållaus og sjokka over tv-programmet, heilt forferdeleg. Hadde heldigvis aldri skjedd i Noreg, men likevel... Frysningar!

God nyttårsfeiring til dykk! Vonar den vert fin :) Her er det meldt storm...

MusMei og HEMILIA sa...

Takk for koselige kommentarer på bloggen min! Så utrolig lekkert kjøkken dere har fått dere, og så mye flott arbeid dere har gjort på huset! Jeg er imponert! Ønsker deg og dine et strålende nytt år og en koselig feiring i morgen!
Klem

♥ Gamleheksa ♥ sa...

Et innholdsrikt år, ingen tvil om det. Masse kjekt og det håper jeg følger på inn i det nye året.
Ha en flott nyttårskveld. Vi blogges i det nye året også:)

KRISTIN - Vingesus og Julebrus sa...

Takk for alt du deler her på bloggen. alltid like kjekt å lese. Ha en flott feiring av kvelden. Ser frem til å følge deg også i 2011! Godt nytt år til deg og dine!! Klem!

einar sa...

Alle tiders årskavalkade med mange fine bilete. Godt nyttår til deg og dine.

Related Posts with Thumbnails