torsdag 30. september 2010

Velkomen inn i den nye stova mi!

Tredje og siste del av stove-føljetingen min - det (nokså) ferdige resultatet. Når eg skriv "nokså" er det fordi eg har att å male 3 dører, og me dessutan har diverse kablar som ikkje har funne sin faste plass på veg mellom TV og andre duppedittar. Bortsett frå DET er me heilt ferdige!
Her skal du få ei omvisning:
Når ein kjem inn døra frå yttergangen er hyllene "mine" det fyrste ein ser. (Denne døropninga var plata igjen, men me ville opna den att, og er veldig nøgd med det! det føles heilt naturleg å fortsetje rett fram når ein kjem inn ytterdøra, istadenfor å svinge rett til høgre..) Den eine hylla med CD'ar, den andre med DVD'ar. Eg er ikkje heilt sikker på om eg syns at slike plastetui er vakre, men dette har vore Rosamannen sin plan heilt sidan vindauga i veggen dukka opp, og det handlar om å gi og ta, ikkje sant? ;)
Eg fekk trass alt måle dei RÅÅÅSA og TURKIS! Minuset med denne smale delen av stoverommet er at den ikkje får nokon særlege mengder naturleg ljos. Difor vert også bileta så som så.....


Kroken på biletet under ligg rett til venstre når du kjem inn frå gangen, og døra på høgre side av den går inn på kjøkkenet. her har eg samla babybileta av jentene, saman med dåpsfata deira. Den gamle skjenken som fylgde med huset har sidan me flytta inn fungert som TV-bord, men kan endeleg nyttast til noko litt finare :)


Stova sett frå kjøkkendøra. Bak døra med kjolen min på er pipa. Den gamle sofaen vår i venstre kant av biletet skal flytta inn i ein ny heim, men det har fram til idag ikkje vore mogleg pga stillas i trappa og hagen..... Kanskje den kan forsvinne no i helga??

Den fine gamle kommoden stod òg her då me flytta inn, og speilen som heng over den har eg flytta ned frå arbeidsrommet mitt. Eg kan ikkje skjøne at min kjære syns den er traurig? ;)


Så er me komne til musikk-avdelinga. Flygelet til Rosamannen, flankert av et print frå IKEA, og eit måleri eg fekk av syskenbarnet mitt for eindel år sidan - eigenprodusert! Eg syns det er så fint!!

Ved sida av flygelet står godstolen min, (der eg sitt akurat no). Akurat no er den gamle ørelappstolen dekka av eit fleecepledd, men etter jol eingong har mor mi lova å hjelpe oss med omtrekking. Dvs - til nød kan kanskje eg klare å hjelpe ho.....


Eit oversiktsbilde teke frå den nye store opninga. Sofaen er Ektorp, med mørkebrunt tekstiltrekk. Nydeleg å sova middag på, med hovudet inn i kroken ;) (Me ville eigentleg ha skinnsofa, men fann ikkje noko me likte til ein overkommelig pris..)


Til slutt er me komne til TV-kroken, der dei svarte kablane enno heng uskjønt ned bak Tv-benken. Det er utruleg kor fort ein sluttar å legge merke til slikt - heilt til ein ser det på bilete. TV'en heng forresten der det tidlegare var døropning ut i yttergangen. Me har med andre ord flytta ei dør frå denne veggen og inn i den smale delen av stova, der det før var plater (men endå før det hadde vore dør..) Over ovnen heng ein gammal neverlur som min kjære kjøpte på Mjøsmarkedet i august. Den blå kista på alle fyrste bilete kjem òg derfrå, og rommar alle leikene jentene dreg ned. Veeeeldig praktisk å ha noko stort å slenge det oppi når klokka har passert leggetid. Om ei stund får me ta kista med opp og fordele leikene på jenteromma, før me flyttar den ned att til ny oppsamling.


Eg (me) er veldig veldig fornøyde med korleis den nye stova har teke form, og sjølv om me no har eit nokså stort flygel her føler me at me har MYKJE større plass enn før. I tillegg til forlenginga av rommet hjalp det voldsomt på å få stengt igjen ei dør, slik at den veggen/kroken òg kunne nyttast. Mange kveldar når eg sitt her i godstolen min med laptio'en på fanget må eg berre sjå meg rundt, og konstatere at her trivst eg godt! (og noko av det beste er sjølvsagt at me har gjort alt sjølv!!!)



Håpar du treivst her, du òg!

6 kommentarer:

Siv Anita sa...

So fint det har vorte hjå dykk Åslaug, sist me var der var jo det òg fint, men det er utruleg ka detaljane har å sei :-) Vert mykje endring i eit rom når bilete, og div. gjenstandar får sin plass. De kan vera rettleg stolte over eit nydeleg husrom med mykje hjarterom

Annika sa...

Etter å ha sett bilda, sit eg at med ein skikklig god følelse av varme! Her var så lunt og fint! Det har fått det flott, skjønar godt du er nøgd :) God helg! Klem!

Gamleheksa sa...

Så fint! Og koselig. Akkurat nå innbiller jeg meg at jeg har lånt godstolen din og sitter der med te-koppen min:)

Det var mange sånne håndlagede baby-kopier hos dukkedama jeg besøkte, men de blir nesten i meste laget for meg. Ser så ekte ut. Derfor ble det ikke så mange bilder av dem. Jeg synes det er mest gøy med de gamle dukkene, men bare å se. Kunne aldri hatt en sånn samling selv. Det er godt vi har forskjellige interesser.

Jill i Fyra Rum och Kök sa...

Så bra det blev. En fin samling möbler och ting och gör att stuen känns riktigt ombonad och hemtrevligt. Himla vackert med en flygel och den gamla skänken och kommoden gillade jag verkligen.

Önskar dig en riktigt fin helg!

Rønnaug S. sa...

Åååå, så fint det blei! Gleder meg til å se det IRL :). Dere har vært skikkelig flinke!!

Kos deg i helga. Jeg skal leike med kameraet - det har noe hemningsløst med morsomme innstillinger ;)

Lene sa...

Kjempefint har dere fått det!! Må være en veldig godt følelse å vite at dere har gjort det selv ja :)
Stoor klem til alle 4!

Related Posts with Thumbnails