fredag 26. mars 2010

2 weeks...... and counting!

Med eit ganske stygt bilde av ein ganske søt påskefugl går me palmehelga i møte. Vanlegvis betyr palmehelg Vossa Jazz både seint og tidleg, men i år vert det den familievenlege versjonen der me stortsett er heime, men tek med oss ungane på Vangen imorgon for å få med utekonsert, folkeliv og kanskje litt BadnaJazz. Dette kjem seg sjølvsagt av at det idag er 2 veker - 14 dagar - til me reiser til New York!!!!!! Då tenkjer me det er lurt å spare både pengar og ikkje minst barnevaktar til dess. Vossa Jazz kan me alltids få med oss seinare, sjølv om det ikkje er akurat dei same artistane ;)

Ref. det dårlege kyllingbiletet: Eg er inne i ein særdeles dårleg periode kva fotografering angår, og syns ikkje eit einaste bilete vert bra. Og dette trass i at eg faktisk var på fotokurs på mandag!! Eit 3-timars opplegg frå Canon, som absolutt føltes nyttig, men som eigentleg har gjort at eg er mindre og mindre nøgd med eigne bilder. Eg trur kanskje det har noko med at eg tek bilder i "hurten og sturten", at instillingar og utstyr ikkje er direkte gjennomtenkt, men så skal eg likevel prøve å gjere fleire ting manuellt enn eg har gjort før. Vanskelege saker! Kanskje, kanskje kan eg få til eit blinkskot eller to når me snusar litt jazz-stemning imorgon? Då er det iallefall dagsljos!

Elles ser det ut til at me skal tilbringe påska i vårt eige, halvvegs nedpakka hus. Me trudde eigentleg at renovasjonsarbeidet etter vinterens vannskader skulle ta til for over ei veke sidan, men plutseleg skulle fleire firma ha anbud, og så skulle forsikringsselskapet gje tilslag, og vips så har dagane vorte til veker. Litt kjedeleg, sidan håpet var at dei skulle få gjort mykje før påske, og sidan, som sagt - mykje er pakka ned. Ikkje viktige ting, som me treng i det daglege. Men ting som er med på å gjere det kosleg rundt oss. Og veldig koseleg er ikkje den digre vifta på kjøkkenet, med røyr tvers igjennom rommet! Men for all del - me prisar oss lukkelege for at me slepp å sitte att med rekninga når det skal rivast og byggjast oppatt ein vegg i kvart rom i heile huset (bortsett frå 2)!!! Når Byggmester Bob endeleg kjem igang med det arbeidet skal me flytte heim til mor og far for ei tid. Inntil vidare passar det jo då fint at jentene kjem heim med eigenprodusert påskepynt som me kan plassere på tomme plassar :)

God palmehelg!

4 kommentarer:

igi sa...

Så artig å være med på et lite forokurs! Bilde inspirasjonen kommer nok etterhvert tenker jeg.

Skjønner godt at dere velger hjemmepåske når dere har den fantastiske NY turen foran dere.
Håper du får en super start på påska!
Klem Igi

Rønnaug S. sa...

Jo, det er kanskje faren med sånne kurs. Trur likevel at jeg skal henge meg på en eller annen gang.

Vossa Jazz blir det nok ikke alt for mye av på oss heller. Slekta her har ikke oppdaga gelden ved det. Men heim kommer de jo....

Nyt livet og dagene, pg påskepynten kan ingen klage på!!

Anette {foreldremanualen} sa...

New York høres herlig ut. Vel verdt å forsake litt for å få dra dit. :-)

rod i hob sa...

God palmehelg til deg og :-)

Va en særdeles koselig påskekylling!! Bilde va kje såååå gale som du ville ha det til. Men kjenner meg igjen i hurten og sturten bilde.. Eg fekk en trang te å innrømma at mine bilder stort sett e oppjazza mobilbilder :-/

Jammen he eg tenkt på dei dei siste dagane -våren e sterkt i frammarsj på desse kantar. Nyte synet! Han der med møkkavognå he eg ikkje kjent meir te, så han va nok bare ute te skrekk og advarsel!!

God veka, å ikkje minst god påske i vente!!

Related Posts with Thumbnails