laurdag 13. februar 2010

Nett so i gamle daga!

Idag har vore ein heilt fantastisk vakker dag. Temperaturen har vore på 8-9 minus, snøen har glitra og sola har stråla frå knallblå himmel. Kva passar då betre enn godt gammaldags skirenn? Igår kom meldinga på den o' store fjesboka om at det skulle vere eit uhøgtideleg skirenn på ein av dei få flate bøane i bygda. For meg innebar dette plutselege "flashback" til barndomen, då det var skirenn i bygda kvar einaste vinter (iallefall slik eg hugsar det). Me fekk buljong og hotdog når me kom i mål, eller varm saft!
Både eg og Rosamannen tok på skisko og pakka ski i bilen, men rekna ikkje med å gjere anna enn å gå ved sida av storesyster når ho skulle ta seg ut. Så feil kan ein ta! Her var det løypetrasèar for store og små, og berre å hive seg med i racet. Eg kunne jo, trass dårleg kondis og ingenting som liknar trening siste 30 døgn (døgn, veker, månader, år... you name it), vere dårlegar enn mine sambygdingar, og la ut i friskt tempo. Etter 150 meter angra eg litt. Etter det dobbelte stoppa eg brått, då det ikkje var flatt lenger. Det kom ein NEDOVERbakke. Eg kikka meg over skuldra for å søke moralsk støtte i ho som kom bak meg, men innsåg at det neppe ville gjere saka betre om ho kom og køyrde på meg når eg låg på tvers av løypa. Lommene vart forsegla slik at mobiltelefon og kompaktkamera ikkje skulle verte øydelagde av snø, og før eg lot det stå til. Det var berre såvidt eg ikkje kneip att augene, men inni meg dukka det opp ei stemme som sa at med litt svikt i knea og mjuke bein ville dette kunne gå bra. Og det gjorde det! Etter 1,3 km var det bratt oppover, og eg tenkte på Jörgen Brink medan eg i brei fiskebein karra meg oppover bakken. Til heiarop var eg inne og runda på "stadion", og plutseleg kom det ny nedoverbakke. Etter opparbeidd sjølvtillitt ved forrige bakketopp sette eg utfor utan å nøle denne gongen. Midt i bakken oppdaga eg at sporet i bånn vart borte, og gjekk inn i ein litt uklar sving. Med bein så stive som tømmerstokkar våga eg ikkje prøve meg på nokon sving, og havna lang ute i laussnøen. Det vart meir som ein liten strafferunde før eg hadde stavra meg innatt i sporet, og då eg endeleg kom til oppover-brattebakken igjen vart det ikkje eit einaste lite rykk å henta. Likevel vart eg heia i mål av mann, barn og gode naboar, og ein bror som lurte på korleis sikta var - brillene var heilt dekka av dogg, og for ein gongs skuld såg eg betre utan.


Storesyster gjekk skirenn for fyrste gong, og strålte om kapp med sola då ho kom i mål som fyrstemann av dei 3 under skulealder. At det jamngamle syskenbarnet gjekk ut eit halvt minutt bak ho var slett ikkje nøye, og iallefall ikkje det faktum at han gjekk løypa på 5 sekund kortare tid enn ho sjølv. Vinnaren er jo den som kjem fyrst i mål!

Vetlesyster har ikkje fått ski på beina endå, men kosa seg i massevis med sine jamngamle syskenbarn, og hadde stadige ekspedisjonar langs skiløypene med og utan akebrett. Ikveld sitt eg godt planta i godstolen, og gruar meg litt til eg skal opp frå den. Då kjem eg nok til å kjenne eit ukjend tal musklar eg ikkje visste at eg hadde!

Imorgon er det morsdag...eller valentinsdag....eller fastelaven. Hjå oss brukar me ikkje å feire dei to fyrste, så dermed vert det bollebaking i Rosaheimen. Eg prøvde å hinta litt til min kjære på torsdag om at det var ein fin dag for blomar, men å ta hint har desverre aldri vore hans sterkaste side. Og når eg allereie har stadfesta at me ikkje feirar verken morsdag eller valentinsdag så er han kanskje unskyldt? Uansett, kjære Rosamann (som eg veit les bloggen når eg postar noko nytt), det er aldri feil med ein bukett tulipanar ;)

God sundag!

6 kommentarer:

Gamleheksa sa...

Herlig. Jeg synes jeg kjenner alle de vonde musklene dine i dag ;)

Ha en fin søndag uansett hva dere feirer og hvor tulipanene er.

Trollkåno sa...

Kjekt med gammmaldags skirenn....vekkjer mange minner.......ha ein fin sundag!!

Ingrid sa...

Spreking du som deltek i skirenn !!
Veldig godt skreve, ser deg føre meg der du legg i veg

Rønnaug S. sa...

Du allstyrendes! Noe så fantastisk. Der slår du meg. Skirenn holder jeg meg langt unna. I alle fall som deltaker...

Morro å lese!!!

rod i hob sa...

Så fint innlegg og fine bilder i gamledager stil :-) Nice ♥

Tusen takk for helsingar hos meg -eg tenke veldig på korti me ska ta den der kaffikoppen ;-)

Når det gjeld bemanningsbyrået til samboeren... Hmm... Ser ut som om det er sånn dei gjere med javne mellomrom. Då antagelig til alle ansatte? Men eg e litt usikker på kor mange det er..

HB dåkke he hatt en fine fastelaven :-)

Torilpia sa...

Jøss - nå ble jeg imponert .. :o)

For meg var dette nesten som en skrekkhistorie å regne .. hadde aldri klart å gjøre noe sånt :o)

Ha en flott ny uke - klemmer!

PS - ble det tulipaner eller???

Related Posts with Thumbnails