laurdag 8. august 2009

Bursdagsfeiring

Fyrst av alt - takk for alle kommentarar og helsingar i forrige innlegg! Det gledar sjølvsagt eit mammahjarta. Med to jubilantar i huset må me sjølvsagt feira skikkeleg. Eit felles familieselskap høyrer med, og når næraste familie tel over 20 personar, så vert det stor ståhei!



Igår var den store dagen, og me brukte den til førebuingar av ymse slag. Tradisjonen tru måtte nokon vera sjuk, og i år var det Vetlesyster som tok ansvar og starta dagen med 38,7 i feber. Dermed var ho montert fast i armane på mor eller (stortsett) far heile dagen.



Snille bestemødre stilte med kvar si kake ( nei, eg er visst ikkje husmor nok til å klare å syte for alle kakene sjølv endå) - svigermor si Verdens Beste var som alltid verdens beste, og mammo mi si prinsessekake vart svært godt motteken!



Det mangla ikkje på pakkar, og jentene fekk både harde og mjuke, små og store. Nokon av dei var heilt flate, og kan takast med på ein eller fleire butikkar og verte bytta inn i noko anna - det er òg kjekt!


Mi eiga favorittkake er Oreokaka. For meg som er tilnærma sjokoman er dette den ultimate kaka med sine mørke sjokoladekjeks og fleire lag av gode kremar. To tanter og ein onkel mangla denne gongen, men ellers hadde me heile familien på besøk, og talde tilsaman 23 stykker. Det må vel vere respektabel feiring?



Idet alle kjem inn døra, jentene skal opne gåver, kaffi skal traktast og kaker skal på bordet, då går Rosa rundt seg sjølv. Ho klarar slett ikkje halde på den verdigheit som ei vertinne skulle ha. Plutseleg oppdaga eg at dei hagestolane som skulle inn framleis stod ute i regnet. Nokon hadde ikkje fått glas, og plutseleg mangla det ei skei. Kaffi vart det stadig tomt for, og kven var det eigentleg som hadde gjeve den fine gensaren? Og kan ikkje gjestene berre setja seg ned??


Jaudå, alt gjekk bra til slutt. Gjestene, forøvrig plassert i to avdelingar (som automatisk vart ei avdeling for "dei over 40", og ei for dei under), åt til dei ikkje orka ein kakebit meir, og alle fekk smake på det meste. Salt snacks på slutten for å utjamne sukkersjokket vart godt motteke, og jentene storkosa seg med gjester og nye leiker. Vetlesyster fekk både trehjulssykkel og dokkevogn, og gjekk imellom dei heile kvelden. Storesyster tok med seg to nye Cd-ar og to syskenborn, og forsvann opp på rommet for å synge og danse. Ho ventar i spaning på at postmannen skal ha med seg ei pakke som ikkje rakk fram i tide - ein rosa mp3-spelar som ho kan høyre sin eigen musikk på!
Idag har me brukt store delar av dagen til å ta siste rest av oppvask, og ikkje minst rydda og vaska golv. Det er nemleg ikkje lite kliss som sitt i eit golv når 10 små og 13 store har fortært enorme mengdar sukker!

No har endeleg kveldsroen senka seg, og eg og Rosamannen skal nok sjå litt film ilag. Det har me fortent no, syns me.

God laurdagskveld!

torsdag 6. august 2009

Slik ser ein 2-åring ut


På veg vil barnehagen med sin splitter nye,og allereie høgt elska Hinkel-Pinkel-bamse - bursdagsgåva frå mor og far. For dei som er over barne-tv stadiet og ikkje ser på NRK super er dette sikkert ikkje kjend, men i Rosaheimen er det ein stor hit!
Ha ein fin torsdag!

tysdag 4. august 2009

Mjøsmarkedshopping

Helga som gjekk var eg og rosamannen på tur utan ungar. Det var siste rest av ferie, og den la me til Mjøsmarkedet på Biri. Våre søte små fekk tilbringe helga hjå svigers, som nok ein gong stillte opp - tusen takk! Mine eigne foreldre var reiseselskapet vårt i år som ifjor, og me hadde det kjempekjekt!




Det er utruleg facinerande å gå runde etter runde på travbana og sjå alt det fine og rare som er der. Frå det vakraste porcelen til sundrusta bildelar - alt i skjønn forening. Sjølv om ein har gått løypa ein eller fleire gongar før, så oppdagar ein alltid noko nytt, og undrar seg over om ein har stoppa ved akurat denne seljaren før.



Ein annan kjekk "ting" denne dagen var møtet med Gamleheksa, som ikkje var verken gammal eller heksete. Den livlege praten med denne trivelege dama frå Toten gjorde at ein times kaffipause forsvann som dogg for sola. Faktisk gjorde den nevnte sola at Rosa var - ja akurat - rosa, i den halvdelen av ansiktet som fekk dei varme strålane på seg.



Eg tok med meg heim nokre fine ting, syns eg. Stolen og ein hjarteforma spegel skal storesyster få når det nye rommet hennar ein gong vert ferdig. Den rosa skåla og smykkekoppen skal nok bu på kjøkkenet. "Rings and things" stemmer ikkje heilt med det innhaldet eg hra tenkt - nemlig kritt til å skrive på kjøkkentavla. Eg leita eigentleg etter ein såpekopp, men då den ikkje dukka opp syns eg dette alternativet var godt.


Kista veit eg ikkje heilt kvar skal bu, og rosestoffet har ikkje funne sin endelege form, men eg skal nok prøve å sy noko av det.
Litt "snop" til jentene vart det òg, men dette får halde for no. Torsdag vert vetlesyster to år, og fredag feirer me både ho og storesyster sin 5 årsdag med familieselskap. Det vart bestemt litt i ein fart, så no lyt mor setje seg ned med blyant og papir og finne ut kva som skal bakast og ordnast dei næraste tre dagane.
God veke, og takk for helsingar til bryllupsdagen vår!

søndag 2. august 2009

Ett liv för mig...

Til min kjære:

Kan jag få skänka dig en ton
Och samtidigt dela den med dig
En önskan jag har och jag känner ditt svar
Vi behöver inga ord

Kan jag få skänka dig min tid
Och vill du sen dela den med mig
I säkert förvar nu mitt hjärta du har
Och varje stund jag är med dig
Så vet jag att min dröm har blivit sann

Ref:
Ett liv för mig är ett liv med dig
Doften av dig hår, varje liten tår
Gör mig mera säker på
Att ett liv för mig är ett liv med dig
Jag kommer alltid, alltid att älska dig

Kan jag få skänka dig en ros
En vacker och annorlunda ros
Den finns bara i vår blomfantasi
Men varje morgon slår den ut

Kan jag få skänka dig en ton
Som alltid ska spela inom dig
Försiktig men fri klingar vår melodi
Och när den stilla flyter bort
Då vet vi att vår dröm har blivit sann

Ref:
Ett liv för mig är ett liv med dig
Doften av dig hår, varje liten tår
Gör mig mera säker på
Att ett liv för mig är ett liv med dig
Jag kommer alltid, alltid att älska dig

Ett liv för mig är ett liv med dig

Anders Edenroth (The Real Group)




Idag er det 6 år sidan me sa ja, det er vel ein god start?
Related Posts with Thumbnails