torsdag 30. juli 2009

På to hjul i svingane

Det er visst travle dagar i rosaheimen, og blogginga har ikkje heilt komme med i dagens gjeremål. Ein av aktivitetane som har føregått er sykling. Storesyster bestemte seg tidlegare i sommar for at støttehjula på sykkelen skulle av. Problemet var berre at ho ikkje heilt hadde tålmodigheit til å lære seg teknikken. Det siste jenta sa før me reiste på ferie var at når ho kom att skulle støttehjula på igjen.

Vel heime frå ferie hadde ho samla nytt mot, og etter berre ei lita stund med prøving klarte ho å knekke koden. Dagen etterpå var det prøving og feiling med oppstart, og den tredje dagen var det bremsing og stopp som stod på programmet. Og no syklar ho som ho aldri skulle gjort noko anna. Det stolte smilet og lyset i augene når ho kan fortelje dei ho treff at ho har lært seg å sykle på to hjul, er kva ein kan kalle ubetalelig.

I skrivande stund sitt me hjå svigers, og imorgon reiser eg og rosamannen frå våre søte små og legg turen austover. Saman med foreldra mine skal me på Mjøsmarknaden på Biri laurdag, og denne gongen prøver me det utan ungar. Det er svært begrensa kor lenge jenter på snart 2 og 5 år syns det er spanande med antikvitetar og snurrepiperier, og når dei i tillegg ikkje likar å køyre bil er me veldig glade for at sporty besteforeldre har teke på seg å passe propellane heile helga.

Eg gler meg VELDIG til ein avslappande tur, og spennande loppefunn på Biri!!

God helg!

søndag 26. juli 2009

Fargeleik

I ferien fekk jentene ein liten tjuvstart på bursdagane sine som er rett rundt hjørna. Av slektningar der nord fekk storesyster ein stor boks med smykkeperler, og vetlesyster ein boks med treklossar - slike som me hadde i gode gamle dagar. Begge deler var fargerike leiker, og då var det kjekt for mor å leike seg med fargevariasjonane i sitt Ixus50, medan jentene prøvde sine nye leiker. Resultatet vart slik:








Related Posts with Thumbnails