måndag 2. november 2009

Material Girl - del 1

Rosa har vendt heimatt til sine kjære og til kvardagen att. Med nattoget fann eg vegen over fjellet, og ankom heimen før morgonlyset (eller nokon andre) hadde vakna. Tilogmed taxi-sjåføren må ha sove, for den bilen eg hadde bestillt pr telefon var ikkje der den skulle vere. Ei lita ventetid på togstasjonen, så kom det heldigvis nokon som kunne frakte meg den siste etappen heim til to søte små og ein stor. Og det er jammen godt å vere heime!



Men samtidig, vekene som har gått ville eg ikkje vore forutan. Særleg ikkje den siste, og iallefall ikkje fredagen som avslutta det heile. Etter ein kosleg kveld hjå veninna mi kunne eg sove så lenge eg ville på gjesterommet hennar, utan at nokon venta på meg. Og bortsett frå ein lunch-avtale med ei anna god veninne visste eg at eg hadde heile dagen for meg sjølv. Den kjensla er faktisk veldig god!

Så var det berre å ta fatt då, oppover Karl Johan, med klesbutikkar, interiørbutikkar - for ikkje å snakke om souvenir-seljarane! Akurat dei haldt eg meg faktisk unna, men dei to andre butikktypane gjesta eg med høg frekvens. Eg måtte trekke litt på smilebandet då eg gjekk inn på Indiska. I trappepartiet som dannar inngangen til denne butikken stod unge og eldre menn "laina" opp, og det var ikkje tvil om kvifor dei stod der eller kva dei syns om det. Eg har hørt om nokon butikkar som har bytta ut barneparkeringen med manneparkering, og Indiska er vel kanskje ein av dei som burde det. Mykje fint på indiska, både ting og klede, men eg klarte faktisk å knipe att lommeboka - for ei lita stund.

Lenger oppe i gata var nemlig Søstrene Grene, og denne butikken har eg høyrt så mykje om her i bloggeverda. Og - den overgjekk forventningane. Så utruleg mykje kult og fint og kjekt og søtt og stilig! Og ikkje berre det, men prisane var jo rett og slett det eg vil kalle lave. Ein grådig kjekk kombinasjon, vil eg sei :) Bileta i dette innlegget, med unntak av uglefamilien, kjem frå det eg kjøpte på Søstrene Grene. Uglene derimot, vart kjøpt på Accessorize på Oslo S. Vetlesyster er så glad i dei gamle Babuschka(?)-dokkene som besteforeldre og oldeforeldre har, og no tenkte eg at ho kunne få si eiga som reisegåve frå mor (det beste med at mor og/eller far reiser vekk er nemlig at dei har med seg ei gåve heimatt!).


Porselensengelen kosta 5 kroner, og kjøkkenhandkleda 17 kr, det er vel prisar som burde få opptil fleire til å gni seg i hendene?


På Accessorize vart det òg litt shopping til mor, som ikkje klarte å gå ifrå ei veske med rose-applikasjonar på. Eit lite minus for at den berre har patentknapp istadenfor glidelås til lukking, men så må ein som kjend lide litt for skjønnheita... det vart meir eigenshopping på turen, men alt kan jo ikkje visast her. Eg nytta sjangsen til å fornye garderoben, og fekk utan problem svidd av pengane eg hadde spart etter bursdagen min - og endå nokre kroner til. Faktisk klarte eg å gå ein heil dag i Oslo utan å gå inn i ein einaste barnekle-avdeling. Det høyrest kanskje meir egoistisk ut enn noko å vera stolt over, men vanlegvis er det jo ungane eg handlar til (og reknar ikkje med eg er åleine om det)



Til slutt: skjønne englevinger frå kremmerhuset, 4 stk i ein pakke til berre 39 kroner. For meg som er smågalen etter englar i alle fasongar og størrelsar var dette eit must. Problemet byrjar vel å bli at eg manglar knaggar å henga dei på. Men tru meg - eg skal nok finne ei løysing på det ;)



Fredagen vart avslutta med cabarèt-framsyninga "Vi har fått et nytt liv" på Cafèteateret, og det var underhaldande, rørande, morsomt og tvers igjennom kvalitet levert av 7 damer med vakre stemmer og høge hælar. Det at dei 7 klarte seg utan den åttande kvinna utan at det merkast i heile tatt på framføringa vitnar om kvalitet! I mars skal korpset "mitt" ha eit samarbeidsprosjekt med desse damene, og no gler eg meg endå meir enn før!


Ikveld er eg endeleg igang med å lese bloggane på lista mi, og som du ser - produsere eit eige innlegg (som visst vart vederstyggeleg langt!), og det føles godt!

Håpar de der ute har det bra - eg ynskjer alle ei god veke!

5 kommentarer:

Rønnaug S. sa...

Det er helt tydelig. Ingen tvil i det hele tatt. Om at du hadde ei kjekk veke. Vel unt. Og innkjøpa var absolutt på sin plass. Noen ganger er det viktig at vi faktisk tenker på oss selv:)

Nyt dagen!

KRISTIN sa...

Så bra at turen din vart vellykka. Og så har du fått med deg mange fine ting heim att. Kjekt når ein finn noko ein virkelig er fornøgd med. Både Indiska og Søstrene Grene er flotte butikker.

Takk for flott kommentar på bloggen min!

Ha ein fin dag!

Anne sa...

Høres ut som du har hatt en koselig tur:) Så mye fint du har shoppet! Shopping er kjekt;)

Takk for fin hilsen hos meg. Har ikke deltatt på messer før. Men lager litt på bestilling. Kanskje jeg skal melde meg på en messe neste år!? Virker jo ganske kjekt..

Ha en fin dag! Hilsen Anne

Linda sa...

åh dei uglene er nåke av det kulaste eg har sett på lenge!!

og veska, skjønar godt du MÅTTE ha den eg!! du får levere den opp til ho mor, ho kannok sy glidelås i den;)

igi sa...

Høres ut som om du har hatt en flott uke! det er deg vel undt. Så mange fine ting du har kjøpt, skulle gjerne vært en tur på Søstrene jeg også!

Det gikk veldig fint å male gulvet halveis ferdig. Ingen kan se skjøten. Håper du får en fin uke!

Related Posts with Thumbnails