måndag 16. november 2009

Jolekrubbeversktad - T5


Igår var alle femåringane i bygda invitert til T5-dag. T-dagane i vossebygdene er kyrkja sitt grep for å gje alle døypte born opplæring. Reforma kom som fylgje av at kristendomsfaget vart teke ut or skulen, og med tida skal det komma eitt tiltak eller ein trusopplæringsdag pr år for born mellom 0 og 18 år.

No var det altså Storesyster sin tur, og T5-dagen handlar om advent og joleevangeliet. Difor fekk femåringane laga seg ei jolekrubbe, med Jesusbarn, Josef, Maria, engel, hyrding og stjerne. Dei mala og limte, medan me som var med etter beste evne prøvde å bistå. Faktisk kan du sjå mor og dotter i djup konsentrasjon på bildemontasjen ;) Då alle jolekrubbene var ferdige, og ungane hadde vore ute og spronge av seg litt krutt var det tid for gudsteneste, der dei små gjekk i prosesjon saman med kateketen. I preika viste dei fram ein etter ein av figurane sine, forutan hovedpersonen sjølv. Han skulle få kvile heilt til jolaftan.

Storesyster var kjempestolt over produktet sitt, og erklærte at den skulle vera med til sengs ved leggetid. Og slik vart det - "for viss eg vert redd når eg skal sova så kan eg berre snakka med Jesus". Og då må ein vel sei at trusopplæringsdagen har fungert oppskriftsmessig?



God veke!

4 kommentarer:

rod i hob sa...

Ååå -så herlig :-)

KRISTIN sa...

Ja, dette var fint!! Et godt innlegg å avslutta kvelden med. Flott krubbe fekk ho laga seg også. Og du har laga fin biletmontasje, som så mange gonger før!!

Ha ei god natt!!

Rønnaug S. sa...

Det skal være visst. Kjempe kjekk dag og fine bilder ;)

igi sa...

Tor dere har hatt en fin helg! Kjempe fin julekrybbe. Ha en fin uke!

Related Posts with Thumbnails