tysdag 2. juni 2009

Melkekvitt golv

Så var den arbeidssame helga over. Huset har fått heilkvit fasade, og me manglar berre strøk nr to rundt dei siste 2 vindaugene. Bilder av dette må venta til stillaset er borte, men bygdafolket stoppar og skryter, og me er særs godt nøgde sjølv òg. Innimellom maling, matlaging og jenter som i ny og ne ville ha litt kontakt med mor, rakk eg faktisk å beise ferdig golvet på uteplassen òg. Sundag kveld var eg der oppe frå 21 til 23.30 (då var det plutseleg mørkt), og måndag brukte eg omtrent like lang tid på resten - altså ca 5 timar tilsaman!

Det skulle jo helst verta nokonlunde jamnt (men nokre ujamnheiter er der sjølvsagt, som du ser på biletet). Noko av materialane har låge der i 2 år, utan behandling. Andre delar vart lagt i fjor sommar. Noko får mykje sol, noko får lite sol. Resultat; nokon stader forsvann beisen som dogg for sola - andre stader vart den liggande oppå og flyte. Men, ferdig vart eg altså til slutt.


Og sjølv om ein kan sjå kvar eg måtte gje meg om kvelden, og starte oppatt neste dag, så syns me det vart fint med det ljose golvet. Neste steg er å måle veggen og toppbordet på rekkverket kvit. (Eg orkar ikkje måle alle plankane i rekkverket, men håpar det held seg i nokre år likevel!)Ja - og så må me ha hjelp frå ein pappa med traktor og vinsj for å fjerne ei diger selje som står rett nedanfor platningen. Den står nemleg og slepper sine små håpefulle ut over golvet vårt ved kvart minste vindpust. Ikkje berre det, men då Rosamannen klatra oppi treet med øks for å hogge av nokre greiner fann me ut at halve treet er råte, og sannsynlegvis bustad for ein koloni enormt store stokkmaur (eller skogmaur). Æsj!


Då kvelden kom igår datt eg ihop som ein sekk, og orka såvidt å slepe meg til sengs. Eg gløymte endåtil å stille vekkerklokka etter fleire fridagar i strekk, men heldigvis (akurat idag, iallefall) så har eg ei vekkarklokke som ikkje let seg verken stille eller stoppe. Hedvig sørga for at me alle kom oss opp berre litt etter skjema.
Ikveld er det nordavind og regndråpar i lufta, så eg held meg innomhus med godt samvet. Eg må berre avslutte med å sei tusen tusen takk til svigers, som kom på dugnad 3 heile dagar i pinsehelga!! (Hedvig har spurt etter Mestemor fleire gonger idag - ho har vorte godt vant :) )

4 kommentarer:

Trollkåno sa...

Vart fint, golvet......og endå finare vert det når du/de får målt.......og huset er vorte makalaust flott!

Bestemor sa...

Klart vi skal hjelpe dere å få huset ferdig. Det er ikke noe vi gruer oss for, snarere tvert om, vi gler oss over at dere kommer vel i havn med alt, og så har vi det gøy med disse små prinsessene. Det er vår oppgave å skjemme de vekk, slik er det bare. Mestemor kommer snart tilbake får du si til Hedvig. Både hus og uteplass ble kjempefin.

Henriette sa...

Jøje meg så flink du/de har vore!!!!!!! Medan me andre har brukt pinsen til å slikka sol har de jobba som berre det - men så vart resultatet bra og!!!

Ha ein flott kveld.
Klem:0)

mali-mo sa...

Så flinke dere har vært allesammen! Huset ble fint, og terassen også ;)

Kjekt med syhobby, har endelig funnet frem igjen symaskinen jeg også ;)Kjekt når hun blir litt kry og glad for å gå med noe hjemmelaget, den vesle rosaberten din ;) Heldige dere er som kan arve kjoler!

God helg!

Related Posts with Thumbnails