laurdag 6. juni 2009

Evangerlaurdag i junisol

Idag har me jentene brukt heile dagen på Evangerlaurdag i strålande varm junisol. Ein herleg dag! Med rosamannen bortreist på korpsfestival vart det ein smule travelt for mor sjølv, som skulle jobba litt dugnad i tillegg til å passe på dei søte små. Hedvig var tålmodig i vogna fyrste del av dagen, men då ho fyrst slapp laus hadde ho samla opp så mykje krefter at ho var borte for meg før eg hadde blunka. Eg hadde meir enn nok med å halda fylgje med den vesle raketten, samtidig som storesyster skulle ha sitt. Ho har gleda seg til denne dagen i ei veke no, og aller mest gleda ho seg til å få ri på "ein heilt ekte ponny"! Igår kveld låg ho 10 cm over madrassen i senga i rein skjer spenning og glede - eg trur ikkje eg veit nokon som kan å gle seg så mykje som den store jenta mi. Og sjølv om det kan tippe mot det slitsame av og til, så syns eg det er flott; Det er viktig å kjenne på den gleda, meinar eg!

Og dagen opprann altså med det vakraste junivèr som tenkjast kan, sjølv om varslane såg skumle ut tidlegare i veka. Det vart lang ventetid før jenta endeleg kom på hesteryggen, men ho stråla om kapp med sjølvaste sola når ho fyrst var komen dit! Det var etter at ho hadde fått måla seg som ein sommarfugl (som heldigvis var lett å vaske vekk denne gongen!)


Vel heime att (åh, kor godt det er å ha ein hage med eit begrensa område å halda oversikt over!) kosa dei små seg i sandkassa, medan mor kosa seg med ei medbrakt kake og halvlunken kaffi frå frokosten. Kaka er bakt av ei serbisk (trur eg) dame i bygda, og smakte aldeles fortreffeleg!
No ikveld sitt eg altså på platningen min, medan jentene søv søtt i huset. Eg har bearbeidd storesyster til å få lov å gå hit når dei søv, for det var for nokså nøyaktig eit år sidan att ho sprang rundt i huset og leitte etter meg med gråt og tenners gnissel, medan eg prøvekøyrde den då nye uteplassen. No håpar eg at me kan finna roen med at mor passar på sjølv om ho sitt utandørs :) Trådlaust nettverk er genialt, og med eit ullpledd om skuldrene går det fint å sitja her ei lita stund til.
Ynskjer medbloggarar og andre ein fortreffeleg laurdagskveld!

4 kommentarer:

Hanne sa...

Høres ut som en flott bygdedag, med alt til faget henhørende for liten og stor! Koselige bilder.
Ha en fin, fin søndag :-)
Pludrehanneklem

Rønnaug S. sa...

Så kjekt det høres ut. Vi greide nesten å ta en tur i år, men så var det de dyra, da... Kalver som trur de kan fly er ganske krevende...

Men helga har vært fin og morgendagen blir sikkert like fin og ganske hektisk.

Snakkst!!

Linda sa...

Herlige bilder, dei er so flotte dei jentene dine. Hedvig er jo SO STOR.. rart å tenkje på at ho er berre 1 mnd eldre enn knehønepjusken min. han er baby endå han... *in denial*

håpar de har hatt ein flott søndag og!

lise sa...

For noen skjønninger! Det er kjekt med aktiviteter, og utrolig kjekt å hvile etterpå.

Related Posts with Thumbnails