tysdag 30. juni 2009

Ei vidunderleg helg!

Ikkje-aktiviteten i bloggverda til trass - me er heime att etter jenteturen til hovudstaden.

Det vart ei aldeles nydeleg helg på alle måtar! Me hadde det beste sommarvèret ein kan drøyma om på heile turen, og det skapte perfekte rammer for overnatting i lavvo, tur på stranda, og jenteprat langt inn i sommarnatta.

Dei fire småjentene fann tonen med det samme, og gjekk til vår store glede svært godt ilag. Sjølvsagt vert det ei og anna konflikt iløpet av ei heil helg, men ikkje meir enn at storesyster var svært betutta i saknet over sine nye vener, då me stod på Gardermoen og venta på toget som skulle ta oss fyrste etappet heimatt. Dei store jentene klarte seg utan konfliktane, og hadde det knallkosleg heile helga. Å møte dei eg ikkje hadde snakka med "live" før var akurat så kosleg som eg håpa og forventa, og praten gjekk til langt på natt.

Dei små jentene haldt òg ut til langt på kveld, med ivrig planlegging av skattejakt i tussmørkret. Skuffelsen over ikkje å ha vakna midt på natta for å ta ein hemmeleg utflukt vart bøtt på med ein aldri så liten før-frokost-picnic på plenen, med chips frå kvelden før.
Heimturen vart hakket meir spanande enn me hadde tenkt, då NSB viste fram både gode og dårlege sider på ein gong. Eg hadde berekna ein god halvtime til å bytte perrong på Oslo S - det burde jo vere rikeleg. Men når toget frå Gardermoen til Oslo var akurat den halvtimen forsinka vart me så smått urolege. Heldigvis viste personalet såpass service at dei kalla opp togføraren på Bergensekspressen, og fekk det andre toget til å vente på oss og andre som skulle vestover. Resten av turen gjekk som ein draum, då storesyster med det samme fann seg ei reiseveninne frå Bergen. Godt var det, for NSB Familie - der me hadde plass - var noko av ein skuffelse. Me såg for oss eit leikerom med noko å gjere for små utålmodige togpassasjerar. Det NSB kunne tilby var ein eigen bitteliten kupè med små møblar og ein DVD-spelar. Fordelen var vel at det er fleire småbarnsfamliliar som bestiller plass her, slik at sjangsen for reiseselskap aukar.
No er det to veker til me skal ha ferie, og det gler me oss til. Imellomtida er det stille dagar på jobb, der dei fleste andre er gått ut i ferie. Det betyr litt meir telefonar og "kunde"-besøk for meg, men likevel meir tid til å jobbe utan avbrot. Ja, om ein klarar å samle tankane om arbeid då, med sommartemperaturar opp mot 30 grader.
Det vart litt shopping på turen vår òg, men det får komma i neste innlegg.
God siste juni-kveld, og tusen takk for at akurat du legg att ein kommentar hjå meg !! :)

4 kommentarer:

Frk Fischer sa...

hei..så fin blogg du har..Fine bilder og artig lesning..
God sommer ti deg!! Titter innom igjen jeg..

Frøken Englefjes sa...

legger meg til som følger hos deg jeg;)

Rønnaug S. sa...

Der fikk du sagt det igjen. Kjekt at turen gikk så bra. men den familievogna trenger ingen å skryte av...

Nå har ikke jeg tenkt å stikke innom kontoret på ei stund. Så du får bare holde fortet. Kos deg :) Er veldig gled for at du er der :)

Klem

igi sa...

Så fint at du opplevde å ha god kjemi med nett vennene in real life! Litt spennende kan jeg tenke meg når manskal treffe noen for første gang. Ser ut som om dere har hatt en fin helg!
Kos deg i varmen - ikke lenge til ferie nå!

Related Posts with Thumbnails