fredag 22. mai 2009

Nytt forsøk på KID - nu gikk alt så meget bedre

For eit par veker sidan kom sommarkatalogen til Kid i posten, og som mange andre storma eg inn på nærmaste Kid-butikk full av forventning og med shoppe-foten klar. Eg vart syrgjeleg skuffa, men gav ikkje opp.

Ein dag denne veka tok eg turen innom Kid igjen, og der stod freistingane på rekkje og rad. Eg stod leeeenge og haldt på ei strandmadrass med rosemønster, men la den omsider tilbake igjen i korga si. Sitteputer med roser haldt òg på å verte med meg heim, men i siste liten klarte eg å overdøve "ta oss med"-ropa, og plasserte dei fint der dei høyrde heime - inntil vidare. Eg ser nemleg ikkje vekk ifrå at eg lyt sjå litt nærare på både madrass og puter. Dei fungerer jo sikkert ganske fint på platningen min, når me berre får tatt det skikkeleg i bruk.

Men sjølvsagt, nokon ting måtte få vera med heim - ellers ville jo kid-besøket ha vore heilt til inga nytte. Ei bladkorg sneik seg opp i posen, og bortsett frå at den er akurat i smalaste laget så er den veldig fin synst eg. Den har fått plass over "bardisken" vår på kjøkkenet, og rommar interiørblad, katalogar og fargekart.


Fire brikker med rosemønster måtte eg ha med. Dei var til halv pris (2 for 1), og då er det jo nesten gratis ;) Duken på bordet kjøpte eg òg. Den heiter Blonde, og er laga i plast. Eg er ikkje så glad i å vaske dukar, men mine småjenter har ei eiga evne til å spreie middagsmaten i god omkrets rundt middagsfatet, så enten må eg ha bordet tomt (slik det som oftast er), eller så passar det ypperleg med ein plastduk som ein kan turke av med ei våt fille. Hedvig synst òg at den nye duken var veldig fin. Spesiellt godt likte ho å stikke fingrane inn i hol-mønsteret, og dra duken til seg. Problemet var berre at små plasttrådar ikkje er spesiellt sterke, så iløpet av ein time hadde eg fått den fyrste rifta i den nye duken. Litt surt, sjølv om det ikkje er store og graverande skadar.





To blomsterkasser i pil vart det òg - dei har eg tenkt skal få hengja ute på det eine gjerdet i hagen, men foreløpig er dei blomelause og utan oppheng. Når ein ser hagen vår frå vegen er det nemleg litt "hardt", med stakitt i fleire etasjar. Eg vil prøva å mjuka dette opp litt ved hjelp av blomar.
Til sist kjøpte eg eit hjarta i ....zink? Syns det var veldig fint, og det kunne like godt ha kome frå ein interiørbutikk med den romantiske stilen, som frå "steikje fine gardiner". No prydar det veggen ved inngangsdøra, saman med blomane eg planta sist veke. Reint praktisk burde eg vel ha venta med å henga det opp, for antakelegvis er det ikkje så veldig lenge før me skal ferdigstille fjorårets prosjekt med å mala huset kvitt. På den andre sida - ein veit aldri kor lang tid det tar, og då kan ein jo likegodt pynte litt i mellomtida :)

Ei helg står for døra, og me håpar på godt vèr, blide ungar og utkvilte foreldre. Det er 3 ting på ein gong, det.....
God helg!

3 kommentarer:

igi sa...

Så mange fine ting du har kjøpt på KID. Liker veldig godt den bladkurven! Må nok innom der snart jeg også - for håpe de ikke er utsolgt på det jeg ønsker meg...

Rønnaug S. sa...

Der fikk du napp, ja. Masse kjekt som blei med deg heim att.

Nå har jeg landa i stua etter dagen å skolen. Kjekk dag, men nå vil føttene opp i sofaen og se film sammen med gutta mine.

Fant forresten noen fine middagstallerker med gullkant som ville være med heim att. De liker sikkert ikke oppvaskmaskinen, men for fem kroner stykket kan vi godt slite dem ut :)

Hanne sa...

Nå har jeg bladd og lest i bloggen din. Veldig koselig blogg - jeg legger den i leselista mi :-)
Pludrehanneklem

Related Posts with Thumbnails