tysdag 12. mai 2009

Heimedag, ein heilt vanleg tysdag

Etter ei helg der eg sjølv var litt ute av form er det ikkje anna å vente enn at andre i familien òg får noko. Då eg henta Hedvig i barnehagen igår fekk eg beskjed om at ho hadde hatt ganske mange bleieskift, og pga smittefaren godt kunne vere heime idag. Dermed hadde eg og ho ein heimedag der me faktisk kunne vere utomhus i sola. Den sure vinden gjorde at det ikkje var nokon særleg varme å snakka om, men fint var det likevel. Mens Hedvig sov fekk eg endeleg teke opp kampen med ugraset igjen, og det var sårt tiltrengt! Det er litt kjekt at det ser fint ut rundt huset no når den store hurra-dagen nærmar seg, og folketoget skal gå forbi oss.

Med middagskvilen unnagjort var Hedvig klar til innsats, og ho brukte ei heil stund på å flytte stein ifrå ei bøtte til ei anna - ikkje alltid så mykje som skal til for å underhalda ei lita snuppe.

Ritz-kjeks er alltid godt for den som har magetrøbbel, og som du ser på det lure gliset - når katten er borte dansar musa på bordet. Idet eg gjekk utom gjerdet for å ta bilde av blomsterbedet var denne vesle musa raskt på pletten i kjekspakken.

Imorgon satsar me på ein vanleg dag med jobb og barnehage igjen, og til min store overraskelse (eg visste jo om det, men hadde heilt gløymt!) skal mannen på Danmarkstur imorgon til fredag. Då hadde det vore fint om alle var friske og raske!

Ha ei god vår-natt!

3 kommentarer:

Hanne sa...

Koselig hverdagsglimt! Håper alle holder seg friske og raske.
Pludrehanneklem

Rønnaug S. sa...

Så fint at dagen slett ikke blei av det kjedelige slaget. Håper det ikke bli mer ut av det:)

rod i hob sa...

Heisann og takk for hyggelig helsing hos meg :-)

Eg like og å blanda litt forskjellig....! Nå har eg konkurranse hos meg -premien e litt rosa, så kansje den passar for deg???

Ha en flott kveld!!

Related Posts with Thumbnails