torsdag 22. januar 2009

Stjernebok - the making of...

Etter dette innlegget lovar eg å ikkje mase meir om stjernebøker på ei stund, men eg skulle jo vise eit par bilder frå prosessen, og her kjem dei;

For å lage ei stjernebok (med 7 spissar) treng ein 3 ulike fargar og størrelsar einsfarga kartong, kvar i 7 eksemplar. Dei tre ulike typane skal brettast på kvar sin måte, og dei største og minste bitane skal ha 4 hòl i ryggen. Litt ekstra "shwung" vert det over boka om ein brukar distress ink (stempelsverte) rundt kantane på alle papir og endå ein detalj som "gjer seg" er litt stempel i dei kantane som viser når boka står oppslått på bordet. Det er svirlane du ser på det fyrste biletet.


Så tek ein på seg bokbindar-hatten, og finn fram nål og tråd. Nærare bestemt 2 stoppenåler og voksa lintråd. Her gjeld det å halde tunga i rett munn, når ein skal starte frå rett side og i rett hòl, og dessuten få alle kartongbitane rett veg. Det er nemleg frykteleg irriterande å plutseleg oppdage at den eine sida står opp-ned når ein har tredd trådar på kryss og tvers etter nesten alle bokbindarkunstens reglar.


Omtrent slik skal ryggen sjå ut når tråden går der den skal.


Og vips, så har me ei bok.
Så skal sider limast saman (der dei ikkje er stempla), og mørke mellomark vert sett inn, med lim i ytterkantane. Bokpermane vert laga av tynn kartong (grandiosa-papp er perfekt!) med omslag av mønsterark, og hugs for all del å legge sløyfebandet på plass før du limer på permane. Eg har måtta rive dei av igjen eit par gonger, og det er med hjarta langt oppi halsen - tru meg!

Når alt dette er gjort står den verkelege jobben att, med 7 sider som skal dekorerast.(Alt i alt trur eg faktisk at eg brukar nesten 12 timar på ei stjernebok frå scratch) På denne sida har eg stempla ein figur på akvarellpapir, og malt den med stempelsverte-fargar (Distress ink). Eg er heilt ny på denne teknikken, men det var veldig morro, og er supert når ein skal lage kort o.l. Eg syns òg det er kjekt å ta i bruk metallpynt fordi det kan verte fine kontrastar til alt det litt småsøte som fort havnar på scrappesidene (iallefall hjå meg)


Denne stjerneboka skulle vore ferdig til jol, men istaden måtte foreldra mine ta til takke med eit gåvekort som vart innløyst sist veke (valget stod mellom stjernebok og joleførebuingar i rosaheimen). Fleire bilder av den ferdige boka finn du her, og ei skikkeleg oppskrift med arbeidsbeskrivelse finn du her.

6 kommentarer:

Anne sa...

kjempe flotte stjernebøker du har laget! Mange fine detaljer! Ha en fin helg!

Liv Elin sa...

Du er så flink med disse scrappetingene - så mye fint du lager !:)
En slik stjernebok var jo kjempelurt !

Håper jentene snart er friske og raske igjen !
(snart) god helg til deg ! :)

Rønnaug S. sa...

Åååååå. Den var vakker. Nå fikk jeg lyst til å lage også. Men ikke i dag.

I dag er det veldig deilig å bare slappe av. Har hatt en kjempefin leir. Masse flotte ungdommer som virkelig var MED på opplegget vårt. Men søv har det ikke blitt for mye av. Skal bli ganske godt å finne min egen seng i natt og så håper jeg at jeg ikke er for søvning på "ferieturen" vår ;) Liker den innstillingen din.

Håper de snørrete nesene snart har tørka og ast jentene er fit for fight igjen.

Klem

rod i hob sa...

Bøye meg i støvet!!
Fy søren så flinke du e!!
Sku ønska eg og kunne :-)
Heldige foreldrene dine som fekk ei flott stjernebok til jul!

Silje Mari sa...

Så kjempefine de er! Det ser vanskelig ut spør du meg..jeg er ikke sikker på om jeg er klar for et slikt stort prosjekt riktig enda;)

Anonym sa...

Veldig flott stjernebok og god oppskrift. Håpar å lage ei slik nå før jul.

Related Posts with Thumbnails