laurdag 17. januar 2009

Nye gåver, og kontrastar i livet

Etter forrige innlegg er det nesten litt vanskeleg å lage eit nytt (og kanskje spesiellt det du no les), fordi det eine på eit vis kan ta meininga frå det andre. Eg har lurt på om eg skulle ta det vekk, fordi eg føler det fort kan oppfattast feil, der eg havnar i sentrum for empati og omsorg, medan tanken var å uttrykkje empati for ein familie i ein forferdeleg livssituasjon, og bevisstheita om kor heldige me er som har våre små bagatellar å syte for. Men slik er jo livet - fullt av kontrastar, og eg har funne ut at begge innlegg på sin måte høyrer med.

Ikveld skal eg i 40-års lag til to damer eg kjenner. Det er "invitert" til ope hus, og eg bestemte meg igår for at eg skulle ta meg ein tur. (Mannen skal imorgon reise til Kongsberg og vert vekke til fredag, så eg tok meg den friheit å insinuere at han kunne halde fortet her heime) Til ei slik feiring skal ein sjølvsagt ha med ei gåve, men eg syns det var litt kjedeleg å innbetale ein hundrelapp til eit felles gåvekort frå "halve bygda";

Medan Hedvig hadde middagsluren sin igår hadde eg og Oda oss ei lita scrappestund på kjøkkenbordet. Ho fekk eit par små ting frå scrapperommet mitt, og dermed fekk eg ro til å skjære ut to sjokoladeboksar medan ho fekk jobbe med eit eige prosjekt. Eitt mønsterark er ikkje stort nok til denne boksen, så det vart ei lita utfordring å finne tosidige mønsterark i to eksemplar, slik at eg kunne skøyte. Du veit, uansett kor mykje papir ein har er det liksom aldri noko som passar......



Med såpass "livlege" mønster trong eg ikkje så mykje dekor på boksane. På loket står navnet til jubilanten, og sjølvsagt det runde antalet år. Inni loket høver det seg fint med nokre velvalde ord, og eit nytt stempel eg hadde i skuffa var perfekt:
Teller du år blir livet kort, teller du dager - går livet fort.
Teller du timer - varer livet en stund,
Men lengst varer livet om du nyter
hvert sekund



Så håpar eg jubilantane vert nøgde, og feiringa går godt.
God laurdagskveld!

4 kommentarer:

Trollkåno sa...

So fine og personlege presangar.
Kos deg i kveld, god fornøyelse!

Høvebakken sa...

De ble kjempe fine! God helg!

Rønnaug S. sa...

Heisann. Disse er skikkelig nydelige. Håper du hadde en strålende kveld.

Her koser jeg meg med litt småscrapperier og snart skal ungene i seng.

I morra skal her feires seksårsdag.

mali-mo sa...

Nydelige sjokoladeesker ;) En kjempegod ide, og disse var jo både fargerike og flotte da! Artig med "åpent hus" bursdag i en liten bygd...kjenner eg virkelig savner bygde-norge iblant!!!!

Klem til deg!

Related Posts with Thumbnails