Når gode vener reiser..

... då tek dei med seg litt av hjarta vårt. Ikveld trillar tårene fordi to gode veninner,ei stor og ei lita, skal flytte. Ikkje til verdas ende, men langt nok til at me veit det blir lenge mellom kvar gong me får treffe dei. Trøysta vår er at dei får begynne med blanke ark. Endeleg skal dei få sin del med hell, lukke og kjærleik. Me ynskjer dei alt det beste!

Vennskap kjenner ingen grenser
selv om avstanden er stor,
for gode venner har minner
som sammen i hjertet bor,
og hvert eneste kjære minne, de øker i verdi
for venner som holder kontakten, og
gir livet innhold med menig i.
ukjend

Mmmmm........fredagskveld

Det er fredagskveld, ungane er for lengst i draumeland (sjølv om minstemor kjempa ein hard kamp for å få sleppe ikveld. Til slutt fekk storesyster legge seg i senga mi, sidan ho heller ikkje fekk sove når den yngste brølte ut sin frustrasjon).

...då kjem godsakene på bordet - nokon som kjenner seg att?



Med hyggjeleg besøk, og godt i skåla og glaset, då er ikkje fredagskvelden så verst!



God helg!!

Rein lukke i posten idag

Dagen idag er prega av irritasjon. Irritasjon over rot, støv, skit, kle, papir - alt som samlar seg opp iløpet av kort tid, og som det tek ein evigheit i verte kvitt. Eg fattar ikkje at hybelkaninar kan formere seg så fort, eller at det skal så lite til før PC-bordet (som står midt i stova, og eigtleg berre skulle ha skjerm og bittelitt datautstyr oppå seg), vert overfyllt av papir, kamera, teikningar,glas, duplo - u name it!

Eg vert så utruleg irritert av husarbeid!!!

Men idag må det til, for imorgon kjem verdens skjønnaste jenter på beøk til oss - ei stor og ei lita. Ei veninne som mor kan drikke vin og slarve med, og ei veninne som Oda kan leike og tøyse med. Og då hadde det jo vore fint om huset såg nokonlunde ut, ikkje sant? Når besøket kjem er all irritasjon gløymd, berre for å ha sagt det ;)

Men så - til poenget: I posten idag låg det eg alltid går og ventar på! Ja, for eg klarar aldri hugse datoar for ting og tang, så kvar einaste dag er ein potensiell "kjekke ting i postkassa"-dag. Men idag kom det endeleg nytt nmmer av BoligPluss *jippi*. Det var faktisk så kjekt at hjarta gjorde eit aldri så lite hopp! Sjølvsagt ganske irriterande at eg måtte legge det fint ifrå meg for å rydde litt meir, men kanskje kanskje ikveld, når ungane har lagt seg, og eg har gjort det eg må gjere - DÅ kan eg setje meg ned og kikke litt, og drøyme meg vekk i vakre hagar og heimar, og planlegge alt eg skal gjere her hjå meg sjølv....

Klar for picnic

Eg skreiv i eit tidlegare innlegg at eg ynskte meg ei picnic-korg. Når uteplassen vår er ferdig vert den einaste bakdelen at det er litt langt frå kjøkkenet, når me skal ha måltid der oppe. Difor ville eg ha ei god picnic-korg, slik at det vert færre turar.

Eg surfa både lenge og vel etter noko høveleg, men når eg minst venta det fann eg den - på Europris (av alle stader). Faktisk var det to - ei ganske stor, og ei litt mindre. Den minste ser du på biletet under - den passar fint når ein berre skal ha ein kopp kaffi med noko attåt. I den andre er det plass til det meste ein treng til eit måltid. Den vart prøvekøyrd sist me grilla, og eg slapp unna med berre 2 turar frå kjøkkenet og ut! Og så passar det jo utruleg godt at dei er kvit og lyseblå - heilt perfekt!



Me har sådd plen, og sjølv om fyrste halvanna veka var varm og turr - no veks graset!



Ikveld har det småregna her hjå oss, men likevel vart det ein tur opp på platningen med verktøy og godt humør. Det gode humøret svant kanskje litt etterkvart, men me fekk då opp litt meir rekkverk, og fekk byrja på leveggen som skal stå mot elva med den støy og dei farar den bringer.

Skal leita fram bilder frå korleis det såg ut her då me kjøpte huset, og leggja i bloggen - det har skjedd ganske mykje!

Trappa på plass

I helga hadde mannen arbeidshjelp, og iløpet av sundagen fekk dei på plass siste del av trappa opp til platningen. Me er riktig fornøgde, og syns det er veldig greit å sleppe å klatre i lausjorda kvar gong me skal opp. Litt potensiale har skråningen rundt, men alt til si tid :)

Om berre vèret heldt vert det meir snikring ikveld!