laurdag 5. april 2008

O lukke!

"Posten skal fram" heiter det så fint. Postgang på 2 virkedagar har eg òg høyrt om. Men går du og ventar på noko - verkeleg ventar - så kan du vere heilt sikker på at to virkedagar vert til fleire.

Måndag kveld gjekk eg meg vill i ein nettbutikk med scrappeutstyr. Eg såg og såg, til auga vart stort og vått, eg prøvde meg litt fram, prøvde å finna vegen ut,om du vil. Men den einaste vegen ut, gjekk gjennom "kassa". Der vart eg eindel pengar fattigare, og ein haug forventningar rikare. Tysdag fekk eg mail om at pakka var sendt, men ikkje før på laurdag dukka den opp - og då utan pakkelapp i postkassa mi. Takk og lov for personale som kjenner "alle", og veit at ein ventar.

Eg opna den ikveld, og eg eg iallefall heilt sikker på at dette skal verte mykje morro!!! Både ark og pynt som er litt anleis enn det eg har brukt til no - gler meg til å få litt forandring.

Her er fornyingane:
Mønsterark, einsfarga kartong, chip-board blomar (Tynne papp-plater/svært tjukke ark), og eit ark med forskjellige journaling-tags.


Journaling-arket på nært hald


Litt pynte-stæsj måtte eg òg ha: Blomar av forskjellige typar, englar og dronning elisabeth (metall-dekoren i små plastposar)


Små plastikk-"figurar" (symbol, spesialteikn osv)


Får nok ikkje gjort noko i helga, men mandag - DÅ ska det scrappast!!!

torsdag 3. april 2008

Gråte over spilt melk

Det er jo eit ordtak, at "Det nyttar ikkje å gråte over spilt melk". Vel, dette vil eg gjerne overføre til Hedvig sine måltid for tida. Ho et godt, men det er ikkje få gonger ho startar med munnen, og sidan knekar heile ansiktet med hendene - og grauten! Ho har gjerne graut over heile fjeset, litt i øyra - ja endåtil i bakhovudet har eg akurat vaska ein flekk med graut! Den viser sjølvsagt ekstra godt sidan den er blanda med svisker, og får ein litt mørk brun farge. Skikkeleg lekkert!



Men det nyttar som sagt ikkje å gråte over spilt graut, og så lenge jenta et er vel alt bra?


tysdag 1. april 2008

Ny hylle på kjøkkenet

Omsider har eg somla meg til å male den ferdig - hylla som hang på det gamle gamle-kjøkkenet (som no er vorte flunkande nytt - heng du med?).



I mange månader har den venta på eit tredje strøk kvit maling, og kanting i lyseblått. Vel - ho venta forgjeves. Eg hoppa galant over det tredje kvite strøket, og gjekk rett på den lyseblå kantinga. Det måtte til, om ho nokon gong skulle koma på veggen. Og no heng ho der!



Oppå står to nyyydelege koppar som òg kom med huset, og som i påvente av ein fin utstillingsplass har stått på lager på loftet.



Og i den vesle hylle under, to englar. Den med blå sløyfe fekk eg av mi Besta då eg var lita jente, og den har eg alltid syns var spesielt vakker. Då eg var lita hadde eg settekasse med mange små nipsfigurar. Med tida har dei vel vorte kasta, gjevne vekk, eller berre....forsvunne, men denne har eg tatt med meg. Den litt mindre, med rosa sløyfe, stod òg i huset, og er antakeleg ganske gammal. Ja, og så har dei fått fylgje av helgen-lysa mine frå Patina.

Lukka er...


...ein tur på kafé, etter å ha vore kjempeflink jente hjå tannpleiar og fått konstatert null hull, med ny kjole som haustar masse positiv merksemd

måndag 31. mars 2008

The moment of truth

Omsider er strikkakjolen ferdig - hurra! I helga hekla eg pynten og sydde den på, og så var det "the moment of truth" - tid for å tove den. Det var med ei viss spenning eg opna vaskemaskina (tenk at det kan vere spennande å opne vaskemaskina?!?) for å ta ut kreasjonen. Tenk om det var blitt dokkekjole? Ein særs tjukk og uformeleg dokkekjole...med ganske mange timars arbeid bak..
Men heldigvis - det gjekk bra! Eg måtte faktisk kjøre den to omgangar for at den skulle tove skikkeleg, men til slutt vart eg fornøyd med resultatet:


Ferdig strikka, før toving (ca 71 cm lang)



Etter første runde, ca 64 cm lang:



Ferdig tova, ca 59 cm lang:




No har babyteppe-strikketøyet komme fram att or boksen - noko må eg jo ha i hendene ;)

søndag 30. mars 2008

Kjekke små posar


Ser ikkje desse kjekke ut, kanskje? Tøyposar med vindu i mjuk plast - genialt til oppbevaring av småting. Som du ser er den til høgre allerede fyllt opp med hårstrikkar og -klemmer. Den heng no på badet. Det gjer den mellomstore òg, medan den store har fått plass på hobbyrommet mitt til diverse band.
Og fargen måtte sjølvsagt vere rosa ;)
Related Posts with Thumbnails