fredag 29. februar 2008

Fredag

Fredag er ein roleg morgon med Oda heime frå barnehagen.
Fredag er ein tur på kafè med andre småbarnsmødre.
Fredag er sjokolade-espresso i pappkrus, med noko attåt.
Fredag er småprat om bleieprisar, bydeoriginalar og skulepolitikk.
Fredag er nett ein kaffi til.
Fredag er suppe og pannekaker med flesk.
Fredag er å sige saman i sofaen når jentene er lagd.
Fredag har til no vore gullrekka, men ikveld - ikveld vert det jammen tv2 og "Norske talenter" istaden.

Sa nokon vanedyr?

God helg!!

onsdag 27. februar 2008

Kort til ein snikkar

Ein bror som er møbelsnikkar kan vere kjekt å ha. Då me pussa opp kjøkken sist haust fekk me god hjelp, og i desse dagar har han bursdag. To floger i ein smekk! :)

Verktøy er henta på nett, trebitane er ispinnar (som det vert mykje av her i huset for tida), og spikarane er høgst ekte! "Grattis" er klistremerkebokstavar, festa oppå to ispinnar som er limt saman.




Den siste ferdige LO'en ser slik ut (litt dårleg bilete):




Eit bilete frå kvar månad sidan Hedvig vart fødd. Eg ville laga det som ei slags klokke, med "tida går" på visarane. "Ornamenta" i kvart hjørne har eg teikna og skore ut sjølv.

måndag 25. februar 2008

Hedvig er óg her

Det har visst vorte mykje Oda-bilder i det siste, men Hedvig er her, ho òg :)
Me var på 6 mnd kontroll med ho 13. februar, og til stor glede for mor hadde ho gjort eit aldri så lite hopp på vekt-kurven. Over 600 gram vektoppgang på ein mnd var gode nyheiter! Grauten går ned på høgkant om kvelden, og no er me òg igang med litt middagsmat på dagtid. Prøver å laga sjølv, men om eg klarar å gjennomføre det vil vise seg...
Jenta kjem seg litt rundt no, med rulling, og ved å dra seg med armane. Om dagen er ho ein engel - om natta..... lat oss sei at me har eit potensiale der :)
Her er iallefall skøyarjenta - full av liv og lyst!




Related Posts with Thumbnails