Men når vårsol i bakkane blenkte, fekk han hug til si heimlege strand

Det vart visst endå ein songtekst som overskrift, men denne tekstsnutten frå "Mellom bakkar og berg" har surra i hovudet mitt dei siste dagane. Onsdag fekk me nemleg eit hint om at våren ligg og ventar på tur, og det gjorde eventyrleg godt med litt sol på skinn og sinn!

Eg og Oda hadde oss ein tur ned i vasskanten for å kaste "fiskesprett", men med såpass massive "fiskar" som ho fann, skulle det noko til at det vart sprett :) Sjølv om den store spretten mangla vart det iallefall fine bilder - her kjem eit par av dei.

Vatn er magisk!! Det finst ikkje noko kjekkare enn å leike med det våte element.

"Fisk" i farta!!!!

Ikkje så mykje sprett, men veldig bra plask

Tid til ettertanke

"Det er ikke morsomt å spise sin mat..."

...når halsen er sår og vond.
Oda har hatt så inderleg lyst på ein tur i barnehagen etter mange dagar heime, og idag skulle ho få prøve nokre timar så lenge dei skulle vere innandørs. Etter knappe to timar kom det telefon - det var tid for mat, og jenta hadde så lyst, men klarte ikkje få i seg skivene. Då var det visst best å komma heimatt likevel. Med to varme deilige vaflar i ein pose kom ho slukøra heim. - Akurat desse vaflene vart redninga idag. Med rømme og syltetøy glei dei godt i halsen, og lunchen var redda. Etterpå var det godt med ein liten strekk på sofaen

Ein ny idè

Ja, den er sjølvsagt ikkje min ;) Men i Anitas hobbyblogg fann eg bilder av og mal til eit knallfint kort, eller "tag" til å feste på flasker av ymse slag. Glimrande til bursdagsgåver, f.eks. Personifiserte den litt, og slik vart bursdagsgåvene til svigerinne og svigerfar:




Kjekt å lage ting som er litt anleis :)

Mmmmmm

Litt scrapping igjen:

Eg og Oda laga brownies i haust, og ho fekk sleike skåla. Som vanleg brukte ho heile seg til jobben :)