onsdag 12. november 2008

Nett eit lite under, takk

Det kan vel ikkje vere så mykje å be om? Altså, om ein fyrst får innvilga eitt så kan eg tenkje meg eit par andre føremål der det hadde vore høveleg med eit under, men dette er så pikyrande lite at det berre MÅ gå bra?

Sundag var faktisk heile familien heime - heile dagen. Etter x antal helgar i rekkja der ein eller fleire av oss har vore ute på noko, var det veldig godt å berre sulle rundt i eige hus og hage. Ja, for sjølv om me snakkar november, så har me eitt og anna å gjere i hagen. Laurdag hadde Oda og rosamannen med hjelp frå svigerfar rydda eine delen av hagen for alt mogleg snikkarrot. Jaudå, det har stått der det - i minst ein månad! Medan me styrte litt ute kom eg plutseleg på eit par ting som eg har vore tenkt å gjera lenge. F.eks. hengja opp desse pottene med lyng på veggen. Sjølv om det skal dekkbeis på resten av huset til våren så hengjer eg dei opp no; fram og tilbake er som kjend like langt.

Ein anna ting er har planlagt i heile haust er å setje ut laukar. Eg trur det var i august ein gong, at eg var på Plantasjen. Der hadde dei pakningar med laukar for tulipanar og krokus. Krokusen er saman med snøklokka det ultimate vårteiknet, og eg som før knapt gadd å sjå på ein tulipan syns no dei er nydeleg fine. Planar om eit tulipanbed starta å danse rundt i hovudet mitt etter turen på Plantasjen.

Vel heime vart det ein annan dans. Dei to pakkene med blomelaukar hadde gleda seg til å få ein ny heim, men vart nok syrgjeleg skuffa! Omtrent på linje med han teddybjørnen, veit du, som vart kjøpt av ein gammal rik mann for så å bli surra i gråpapir og lagt på ei hylle... pakkane med laukar havna faktisk på hattehylla, og der har dei låge sidan. Etterkvart som dagar, veker og månader har sprunge forbi har eg tenkt meir og meir på at noko måtte gjerast, og sundag var endeleg tida der. At det nok eigentleg er for seint prøvde eg å ikkje tenkje på. Ifylgje eit par gode hagetips burde slike laukar vore i jorda 6-8 veker før frosten slo inn. Og plantane synst sikkert det var akurat passe tidleg-vår-temperatur, for nesten alle har kome med ein spire eller to. Spørsmålet er korleis dei reagerer no når dei plutseleg hamna utandørs, og det slett ikkje går mot vår, men vinter!

Hadde det ikkje vore nydeleg med ei lang rekkje krokus her i plenkanten?


...eller i dette hjørna?
...for ikkje å snakke om ei tulipanklynge i bedet framom huset!

Og til slutt, då det endå var laukar til overs, men litt lite plass å plante dei på, laga eg til to kar med jord som har vore i bruk på plantar heile sommaren. Eg håpar det er akurat passe mørkt, kjøleg og næringsrikt (evt -fattig), slik at eg kan setje zinkbalje og bøtte med blomar ut i hagen til våren.


Då gjenstår det berre å sjå om undera si tid er forbi....

5 kommentarer:

Noralill sa...

Trur ikkje du treng noko under får å få det til å gro i desse flotte sinkbaljane! Her har du nok tulipanar til jul!...hihi Det hadde faktisk eg eit år, for eg hadde vore så flink å ta inn løkane om vinteren, og jammen byrja dei å spire i kjellaren min, utan verken vatn eller ljos....

Nei underets tid er nok ikkje forbi...

Ha ein fin kveld!

Rønnaug S. sa...

Trur heller ikke underets tid er forbi. Mine løker lå lenge på trappa i all slags vær. Da jeg endelig tok i dem var opptil flere av det heller myke slaget...

De havna alle i et par trebutter som står utafor kjelleren. Så da er det bare å vente på underet, da.

Nå venter puta. Alle tre ungene ligger strødd på rommet vårt. Sånn er det når gubben er vekk - da vil alle være sammen.

Sees kanskje i morra. Får se når jeg kommer meg avgårde. Nyt dagene.

Rosa sa...

Blir helt sikkert flotte blomster til våren! Og de i baljen kommer sikkert lenge før den tid;)
Har ikke fått planta løker i høst, men neste høst..;) Kjekt å prøve ut nye løker, men begynner å bli ganske fullt hos meg etter hvert. Nå skal vi gjøre om litt utenfor her, så da blir det snart plass til mer. Gleder meg til det og til våren:)
Så får jeg titte innom deg igjen her og se resultatet etter hvert:)

MOLLY sa...

Ja, du har nå kommet mye lenger enn meg...hehe, men her må det litt mer planlegging, så vi tar det til neste år, sier nå bare jeg; men jeg krysser fingre for et under hos deg:)

Emmeline sa...

TUSEN tusen takk Rosa. For masse ros og støtte om og om igjen, for varmende ord og massevis av kommentarer. Du er bare så snill og god.

Smiler for meg selv når jeg leser blomsterløk historien. Du er bare så vittig. Klart det blir et fantastisk bed her til våren, gleder meg allerede til å se bildene. Knallfint blir det. Jeg er bombesikker. Jeg har ikke plantet løker i hele mitt liv omtrent og hagen ser ut som et lynnedsslag etter at takfolkene har pælmet skifer over ALT. Jeg får glede meg over dine løker istedet. De i sinkbaljen blir iallefall fine. Tusen klemmer og takk igjen.

Related Posts with Thumbnails