måndag 8. september 2008

To utfordringar på ein mandagskveld

Idag har me hatt ein luftig dag i huset vårt. Snikkaren tok vekk både utgangsdør og glaset ved sida av den for å skifte ut det nødvendige rundt. Eg var eit øyeblikk bekymra for at me skulle sove med ope hus, men heldigvis tok han litt overtid og sette inn det nye vindauga og den gamle døra. "Ny" dør kjem, men den skal bearbeidast av ein annan snikkar før me kan setje den i. Meir om det kjem nok seinare.


Ikveld har eg fått to utfordringar, den fyrste av Anna Lisa, om å fortelje om seks ting som gledar meg akurat no. Eg føler dagane me er inne i no ofte fører med seg like mange bekymringar som gleder, men det gjer godt å tenkje etter på dei gode tinga, så vert kanskje bekymringane litt mindre...

1. Eg er glad for at eg har to friske, nydelege jenter som no ligg på lading i sengene sine, klare for nye utfordingar.
2. Eg er glad for at me får "nytt" hus utvendig, og at snikkaren som gjer det er så flink, nøye og effektiv!
3. Eg er glad for at eg har fått eit par timar på scrapperommet mitt ikveld.
4. Eg er glad for at det går så bra med Hedvig i barnehagen, etter den litt trange starten.
5. Eg er veldig glad for at nokon kjem inn og legg at kjekke meldingar i bloggen min!
6. Eg er glad for at om ikkje lenge skal eg krype inn under dyna, og snuse på håret til 4-åringen min, som på den tida av døgnet ikkje kan tenkja seg noko betre enn å kose med mamma.


Kveldens andre utfordring kjem frå I eit hus i ein dal, og lyder som fylgjer:
"Utfordringa handlar om ting ein er glad i, som betyr noko for deg sjølv, som ein har dradd med seg på "ørten" flyttelass og ein ikkje har fått seg til å kaste..
Og som ein av og til kikkar på, med smil om munnen - for ein kan minnast, ja eit eller anna.."
Eg må fyrst sei at eg syns det er flott at ho lagar ei utfordring, ei utfordring som tilogmed eg kan svare på ;)

Min ting må vere denne vesle engelen. Eg fekk ho då eg var lita, av Besta, som budde 4-5 timars biltur vekke frå oss. Det var alltid spesiellt å reise til Besta - koma til det vesle raude huset heilt innerst i ein dal. Der stod ho alltid på trappa når me kom, og i gangen lukta det nysteikte karbonadar. På soverommet var det luftige dyner, fyr i ovnen, og dovne floger som kretsa i taket, forskrekka over denne plutselege varmen.

Eg hugsar ikkje kvar engelen vart kjøpt, berre at eg fekk den av ho. Då eg var lita hadde eg settekasse, med alle sånne småting i. Etterkvart som eg vaks til rauk settekassen og dei fleste av dei små figurane ut, men engelen fekk stå på ungjenterommet òg. Ho vart nok ikkje med på det fyrste eller det andre flyttelasset, men dei siste gongane har ho fylgd meg, og no har ho heidersplass på kjøkkenet. Og det beste av alt er at her i huset fann ho plutseleg ei lita syster. Ei litt blankare utgåve, heilt garantert mykje eldre, men i akurat same stil.


Denne utfordringa syns eg var så fin, og eg sender den vidare til Emmeline, Trollkåno og Molly, som kvar skal sende den vidare til 2 stk.

God kveld!

7 kommentarer:

MOLLY sa...

Åh du, jeg har en sånn engel med lyseblå sløyfe...tror jeg fikk den av min mormor...så morsomt:)) Og ja det hjeloper å tenke på det postisve....tøffe tider har lært meg å være så glad for de jeg har rundt meg;)
Jeg tar utfordringen jeg, takk som byr:)
Male er no' dritt for å si det rett ut....ihvertfall innimellom spiler, og under t.o.m hahaha:)
Har hatt det òg, ble aldri ferdig, og det var ikk mer enn en halv meter høyt, og 8 meter eller no' sånt...
Nå skriker sengen på meg...god natt...zzzzz

Trollkåno sa...

Takk for utfordring.
Må tenkje litt på den.

tanja sa...

Hehe, vi og har det konstant "luftig" heilt greit nokre dagar, men ikkje så gøy andre dagar. Det ser no ut som om det går ganske fort med dåkke, og når du attpåtil har greidd å lure mannen ut for å måle...:)veldig bra!

Rosa sa...

Skjønne disse englene var:) Så fine minner som dukker opp når en finner frem slike ting en har gjemt på i alle år:)

Anna Lisa sa...

Koselige ting du skriver om i utfordringa eg ga deg:)
Ønska deg ei fin dag
Klem

MOLLY sa...

Award til deg fra meg;) Kom og hent:)

NinaS sa...

Så koselig innlegg!
Driver å jobber med ett dør-problem vi også. Jeg finner nemlig ikke den ytterdøra jeg vil ha! -ikke innerdører heller, forresten!
:(
Klem fra Nina

Related Posts with Thumbnails