laurdag 9. august 2008

Eitt og hitt..

Ja, det blir eit lite rote-innlegg idag.

Dagen starta med ein urovekkande lyd utanfrå - det kom regndråpar på plast. Regn? Idag? Det var jo heilt feil! Regn på plast er jo i prinsippet ikkje så gale - problemet var at plasten låg UNDER materialane eg grunna igår, og ikkje over. Jaudå, tre turkar oppatt, men det beste er jo å unngå at det vert vått, ikkje sant? Eg leverte Hedvig opp i senga til ein gubbe meir eller mindre i koma, og kledde på meg på veg ned trappa (og det er ikkje berre-berre med vår mikro-trapp!). Baksa plast-duken over materialane, men kunne raskt konstatere at det ikkje var nok til å dekke heile lengda. I det ny-innsette "plast-skapet" til mannen (han har innreia uthuset med gamle kjøkkenskap) var det tomt, så her var det berre å stålsette seg. Det er få stader i huset eg mislikar så sterkt som kjellaren, med alle sine enorme edderkoppar og andre ekle kryp. Men med hette på hovudet og pusten djupt i magen marsjerte eg inn, og oppdaga plast på øverste hylle - hurra! Den var akurat stor nok til å dekke resten av kledningslengda, og eg var ganske så fornøgd med meg sjølv - ikkje hjelpelaust kvinnfolk her i garden, nei! Idet eg gjekk innatt slutta det å regne...


Over til noko mykje meir spanande! I leitinga etter eitelleranna idag var mannen i maling-kjellaren vår og leita. Ja, i dette "huset med det rare i" er det eit heilt rom i kjellaren som i tillegg til ein ekte gammal kjøpmannsdisk (som ikkje er råd å få ut derfrå) kun rommar gamle og litt nyare malingsrestar. Og der stod det tilfeldigvis eitt einaste spann med ein umiskjenneleg grønfarge langs kanten. Til alt hell var både navn og kode framleis leseleg. Fargen på huset vårt heiter faktisk "Lærdal" - tenk det! Eg har notert fargekoden, og aktar å ta den med meg til fargehandlaren i nær framtid. Spørsmålet er berre om fargen skal vere på veggen eller på listene.... Det er det ingen som veit endå. (og så får me jo håpe at dette er rett farge i rett spann, og ikkje berre eit tilfeldig, tomt spann, som vart teke i bruk då dei mala huset sist....)
--------------------------
Eg og Hedvig stod opp etter regn-plast-episoden i dag tidleg. Ho syns det var litt lite å finne på, så ho ville gjerne prøve pianoet til papsen. Riktig fornøgd vart ho, når det tilogmed vart lyd!

Og heilt til slutt, eit sjeldant syn - Oda med glatt hår! Ei heilt anna jente uten dei viltre krøllane - litt rundare i fjeset, syns eg. Her er ho klar for senga etter ein god dusj, med prinsessebladet på fanget og pappen ved si side. Då er igrunn lukka fulkommen :)


Det var alt for denne gong - takk for idag og god natt!

3 kommentarer:

Anna Lisa sa...

Fine dei er disse jentene dine:)
Ønska deg ein koselig søndag!!
Klem

Maria sa...

Så nöjd din dotter såg ut när hon nådde upp till pianot!O, vilka lockar din äldsta dotter har. Så söta tjejer.

Tittade även på din slide på sidan. Vad duktig du är på scrapping! Gillade verkligen korten du gjort och satt på flaskor. Smart!

MOLLY sa...

Ja, nå har vi tømt og ryddet, og alle malingsspann setter vi igjen til de nye eierne...hehe:)
Utrolig hvor mye rart man kan samle på;)

Related Posts with Thumbnails