måndag 9. juni 2008

På jakt etter lopper

I desse dagar er det siste innspurt for å samle inn lopper til loppemarknad her i bygda. Laurdag skal det store loppesirkuset stå, og med alle dei telefonar om små og store mengder lopper som kjem, så må dette bli bra!

I dette høvet tenkte eg at ei lita opprydning i lagerrommet vårt ville vere på sin plass. Der er det fullt, av små og store møblar, ting og tang som ikkje lenger (eller kanskje aldri) har hatt sin naturlege plass i våre rom. Med liv og lyst, og to pappkassar som forsiktig start gjekk eg igang...

Men kva skjer?

Eg startar i ein krok med ting som ikkje har sett solas lys på årevis. Plukkar fram lysestakar og nips, og skal til å leggje dei opp i loppekassa. Men så er det som om eg har fått på meg andre briller sidan den gongen. (Det har eg jo faktisk, men eg trur ikkje dei skal ha ein slik effekt) Eg kan jo slett ikkje gje vekk den eller den, for når eg ein gong får pussa opp stova - og gangen - og den andre gangen - og og og - DÅ kan eg jo ta det fram att. Eg ser levande for meg den koslege stova med små tablå og levande ljos. Med små minne frå barndomen, gåver frå veninner og bestemødre, som alt har sin sjarm.




Så der står kassa, syrgjeleg tom. Og faren for at laurdagens loppis fører til ytterlegare auke i husets innbu er stor - eg har allereie hatt kontakt med opptil fleire ting som gjerne ville flytte inn i det rosa universet. Då kjem det berre an på kor mykje feriepengar mannen får strøymande inn på konto to dagar før. -Den som ventar får sjå......

2 kommentarer:

Anonym sa...

håpar da e litt til meg og !!!!

ingrid s

mali-mo sa...

Så heldig du er som skal på loppemarked da, selv om det ser ut som om du ikke får gitt fra deg så mye da hehe.

Koselig blogg du har. Må si jeg ble imponert over hageplattingen og trappen dere har laget! LITT av et arbeid!!! Men resultatet ble jo flott, kreativ og smart utnytting av en bratt hage syns jeg. Vi har det ikke flatt vi heller nemlig, så jeg kjenner litt til problemet hehe. ha en fin kveld!

Related Posts with Thumbnails