søndag 4. mai 2008

Reisebrev frå Stavanger

Ja, det vert litt meir Stavanger-prat på meg, etter ei nydeleg helg i byen.


(bilete frå Gamlebyen med dei vakre husa)

Som tidlegare nevnt var det fyrste gongen me skulle reise frå Hedvig på 9 mnd, og det var jo litt spennande i seg sjølv. Ho hadde hatt feber tidlegare i veka, men var feberfri dagen før avreise. Me var komne til Arsvågen ferjekai då bestemora ringde - jenta hadde 39,9 i feber, og dei skulle til lege. Då var ikkje mor mykje høg i hatten (ikkje far heller, for den saks skuld)! Eg drog fram laptop og mobil, og gjekk på nettet for å finna rutetider heimatt med båt eller buss. Eg var klar for å bli levert på hurtigbåtkaia med det samme me nådde byen...
Heldigvis var det ikkje noko alvorleg fatt, anna enn den høge feberen. Legen tilrådde paracet, og lova ellers å vere tilgjengeleg heile helga om det skulle vere noko. Bestemora tok det heile med stoisk ro, og forsikra meg om at eg trygt kunne la vere å setje meg på fyrste båt heimatt. Etter å ha tygd litt på det sjekka me inn på hotellet, og bestemte oss for å kose oss som best me kunne. Det fine med bestemødre er at dei har hatt ungar sjølv ;)



(midt i gamlebyen opna det seg ein bitteliten park med eit fantastisk tre omgjeve av kvite benkar)


Fredag ettermiddag og kveld sat me i konserthuset på Bjergsted, og gjorde det me var komne til byen for å gjere: høyre på korpsmusikk på topp internasjonalt nivå (EM for BrassBand var den store eventen). Du vil kanskje tru ein vert litt smårar i hovudet av å høyre 11 korps spele akurat det same stykket - og du har vel til ein viss grad rett :) Men det er morro òg, å høyre kor forskjellig musikken vert tolka og samanlikne prestasjonar.


(eit vakkert gjerde om ein leikeplass)


Laurdag sprang mannen til konserthuset så fort den herlege hotellfrokosten var innteke. Sjølv ville eg få med meg litt av bylivet først. Og byen bydde seg verkeleg fram frå si beste side denne helga, med fantastisk vèr og yrande folkeliv. Med både Brass-EM og russetreff (ja, det omtala og frykta Kongepark-treffet) var det ikkje berre siddisane som ville nyta ein laurdagsformiddag i godvèret. Og apropos russ (ein liten digresjon her): Kva er det med "ungdommen no til dags"? Heile hotellet vårt var fullt av russ frå austlandet - russ av den typen som har russebuss i millionklassen, eit utall effektar (jakker felles for alle i russebussen, dressar, gensarar, drakter osv osv osv), og som tydelegvis fint har råd til å bruke nokre tusen ekstra på hotellrom når dei skal på russetreff. Eg er nok litt fordomsfull, men for meg kunne dei like gjerne bore skilt rundt halsen; "pappa betaler".... Puddingruss, tenkte me :)


Nok om russ! Ein av tinga eg ville gjere i Stavanger var å nyte våren i Domkirketrappa. - Som sagt så gjort.



Med ferske norske jordbær sat eg der og koste meg i sola - i Domkirketrappa.



Eg fekk shoppa litt gåver til jentene - mest til Oda, for ho treng mest. (Hedvig arvar så mykje fint både etter Oda, og etter andre.) Eg fekk meg til og med ein tur på Indiska (!), men resultatet av det besøket skal du få sjå ein annan dag :) Det eg ikkje rakk, var ein tur på La Famiglia i gamlebyen. Ein bitteliten butikk i eit av dei fine små husa, som såg uendeleg freistande ut med florlette plagg i utstillinga, og nydelege interiør-artiklar innom døra. Eg håpar eg kan få det med meg neste gong me er i traktene, og at det ikkje er så lenge til!



(Eit tre i vakker bløming midt i sentrum)

Rapportane heimefrå var ganske bra - Hedvig hadde framleis feber, men så lenge ho fekk paracet var formen og humøret bra. Dermed kosa me oss vidare, med mykje flott musikk. Dei beste vann til slutt, og laurdag kveld fekk me ein fantastisk festkonsert med to av Europas beste korps. Det eine i samarbeid med den fantastiske jazz-musikaren Nils Landgren (på klippet under ser du party-trikset hans, om du tør ;) )




(Noko av det som pregar byen er tulipanar. I alle "offentlege" bed og parkar står det enorme mengder tulipanar i alle fargar, og det er ein fryd for auga no når alt samen sler ut i full blomst!)


Så var det plutseleg søndag, og like plutseleg kunne me ikkje komma oss fort nok ut frå hotellet for å ta fatt på heimvegen. No sakna me jentene våre! Og det er vel ikkje så rart, når det er dette som møter oss:

Hedvig var eit einaste stort smil, og nesten feberfri - hurra!


Oda var ikkje mindre glad for å sjå oss, og i tillegg så spent på pakken eg hadde lova å kjøpe til ho. Inni den fann ho m.a. caps, capribukse og sommarkjole, og alt måtte prøvast med det samme. Men det aller beste var nok å få pappen heim igjen. Han måtte rett i pappa-tjeneste, og vart beordra ut på terrassen for å leike tikken.



Vel heime i huset vårt var det nokon som ikkje var fullt så fornøyde.... dei stakkars blomane mine, som eg har vore så stolt av. Dei hadde stått i sola heile helga utan noko å leska seg på. No har dei fått både drikke og ein kald dusj, og eg håpar inderleg dei får livslysta attende iløet av natta og morgondagen!



(Å setje blomane inn var forøvrig ikkje det einaste me hadde gløymt idet me skulle reise frå heimen: Billettane til festkonserten laurdag låg att i ei veske heime, og det krevde både velvilje frå mi kjære mor og ein god porsjon logistikk for å få tak i dei før avreise. Heldigvis gjekk det òg bra!)

No har freden senka seg over heimen, og me kan kose oss med gode minner, fanga på netthinna og med kamera, om ei herleg helg for mor og far, i ein vakker by med flott vèr og gode opplevingar. Dette skal me leva lenge på!

6 kommentarer:

Nyperosa sa...

Hei,

så kjekt at du
liker byen våres : )
Skulle ønske jeg
kunne vært turist
i egen by, tror
den oppleves på
enn mer positiv
måte enn når en
bor her og ser
dominerende
høybygg "poppe"
opp over alt,
og for.eks. veldig
nær Gamlebyen.

Ha en god uke : )

Rønnaug S. sa...

SÅ kjekt å få "være med" på tur. SItter på kontoret og småputler, og da er det ordentlig kjekt med en liten tur ut i verden. :)

Ha en strålende dag :)

Lene sa...

Unte dere så innmari denne turen :) Godt å høre at dere greide å slappe av sellv om lilletuppa var syl.
Masse klemmer til hele familien :)

Lene sa...

haha, bytt ut alle l-er k-er :P Jiiiz.

janne - kathrine sa...

Heisann :-)

Har aldri vært i Stavanger faktisk, men kunne absolutt tenke meg en tur - spesielt når du viser sjarmerende bilder fra småhusbebyggelse fra gamlebyen :-)
Er det ikke litt rart... alle blir tiltrukket av "gamlebyen" i de ulike byene, både her hjemme og ellers i Europa. Mange steder er jo dette severdigheter! Men, nå det bygges nytt så tas det sjelden andre hensyn enn at nybyggene skal være arealeffektive (les:utbyggerne får mest mulig igjen for sine investeringer), blottet for sjarme og vakre detaljer. Her hvor jeg bor er det en massiv utbyggelse av sentrumskjernen. Det bygges blokker som er så kjedelige og uniforme at det nesten er til å gråte av.
Ja, det er moderne bygg, med moderne materialer og holder sikkert dagens krav til både våtromsnormer og ventilasjon - men jeg tror disse blokkene vil bli fremtidens "slum".

Når det gjelder vår lille platting i kroken opp mot fjellet, så blir det vel neppe noen sitteplass. Har jo den store plattingen utenfor stuedøren og det er det området vi liksom bruker.
Ellers så blir det etterhvert en flott platting(på ca. 20 kvm.) med lekehus oppå på den øverste delen av tomta, der det er best utsikt :-) Gleder meg til den er klar!

Ha en fortsatt fin dag!

Fru Fjeldhammer sa...

Så flotte bilder. Godt dere klaret å kose dere selv om minsten var syk.

Hemtex er en svensk butikk ala Kid, men det har litt mere stæsj enn kid. ala kopper, lysestaker bokser osv.

Ha en fin dag..

Related Posts with Thumbnails